د کمپیوتر ساینس پوهنځی
د پوهنځي معرفي:
د تکنالوژی معلوماتي او کمپیوټر انجنیری ډیپارټمنټ په ۱۳۸۶ کال کې د الکترومیخانیک پوهنځي په چوکاټ کې جوړ شو څه څلور تنو نوي تقرر شوي استادانو کمپیوټر د یو مضمون په توګه په الکترومیخانیک، جیولوجی او معدن او ساختماني پوهنځیو کې تدریس کولو. د ITCE دیپارټمنټ په ۱۳۸۷ کال کې ۳۵ نوي محصلین جذب او د IT تالار کې چې د دوه لابراتوارونه لري په فعالیت پیل وکړو.
د معلوماتي تکنالوژۍ او کمپیوټر انجنیري ډیپارټمنټ د یاد دیپارټمنټ د محترمو ښوونکو، د پوهنځي محترم رییس او د پوهنتون رهبري هیات په زیار او کوښښ سره په ډېر کم وخت کې ډېر پرمختګ وکړو.
د ITCE ډیپارټمنټ د ۱۳۸۷ کال د دلوې میاشتې په ۱۲ نېټه په داسې حال کې د کمپیوټرساینس پوهنځی ته ارتقا وکړه څه ۳۵ محصلین او ۶ ښوونکي د لیسانس په کچه درلودل، څه له هغه ډلې څخه یې څلور تنه د برایتون او برلین تخنیکي پوهنتون کې د ماسټري برنامې زده کړیالان وو.
د ITCE ډیپارټمنټ په ۱۳۸۸ کال کې په دوو ډیپارټمنټونو CIS (Computing and information science) او IT (Information Technology) تجزیه شول، او په همدې کابل کې یې د محصلین ظرفیت ۸۴ تنو او ښوونکو تعداد ۱۲ تنو ته لوړ شو.
د کمپیوټرساینس پوهنځی نوم په ۱۳۸۹ کال کې د کمپیوټر انجنیري او انفورماتیک پوهنځي ته د څلورو ډیپارټمنټونو په شتون سره تبدیل شو، د یاد پوهنځي نوم د دې لپاره تبدیل شو چې یاد پوهنځی د یو انجنیری پوهنتون په چوکاټ کې لکه د کابل پولی تخنیک پوهنتون پالیسي او استراتیژیک پلان تعقیب او تطبیق کړي او د دې پوهنځي محصلین د لیسانس انجنیر په کچه ټولنې ته وړاندې کړي، چې بالاخره په ۱۳۹۷ کال کې د پوهنتون د پرېکړې او د (3729/2993) شمېرې حکم په اساس د پوهنځي او د ډیپارټمنټونو نومونه لاندې نومونو ته تغیر شول:
د پوهنځي نوم دکمپیوټر انجنیري او انفورماتیک نه کمپیوټرساینس ته
د معلوماتي ټکنالوژي ډیپارټمنټ معلوماتي سیسټومونو ته
د محاسبې او معلوماتي علومو ډیپارټمنټ د شبکې انجنیري ته
او د کمپیوټر انجنیري نوم خپله د کمپیوټر انجنیري پاتې شو
یاد پوهنځی وکولی شوه د ناټو په همکارۍ د ترکیې هېواد د انقرې پوهنتون له لارې په ۱۳۸۸ کال کې لاندې لابراتوارونه جوړ او فعاله کړي:
- کمپیوټر لب
- مایکروپروسیسر لب
- الکترونیک لب
- ډیجیټل لب
- سیسکو لب
لیدلوری:
د کمپیوټرساینس پوهنځی غواړي د با کیفیته علمي خدماتو په وړاندې کولو سره په معلوماتي ټکنالوژي برخه کې یو معتبره او پېژندل شوی نهاد د سیمې په کچه اوسي.
موخې:
- محصلین د کمپیوټرساینس، کمپیوټر انجنیري او معلوماتي ټکنالوژي کې په پوره اندازه زده کړه ترلاسه کړي.
- محصلین وکولای شي له خپلې زده کړې د افغانستان د ستونزو حل لپاره ګټه واخلي.
- محصلین وکولای شي خپلو برخو کې د تحقیق نه په ګټې اخیستنې سره خپلې زده کړو او مهارتونو لوړولو کړي.
- پوهنځی باید د زده کړیز موخو ته رسېدو لپاره؛ کریکولم، کورسونه، لابراتوارونه او نور د عصر مطابق ضروریات تیار او د محصلین ته د لاسرسي وړ وګرځوي.
- د استادانو علمي کچې لوړولو لپاره مستمرې برنامې جوړې شي.
- تحقیقاتي برنامې په پوهنځي کې فعاله شي.
- د تضمین کیفیت لوړولو لپاره موثرې برنامې په لاره واچول شي.
- د لوړ کیفیت زده کړو لپاره مفیدې برنامې په لاره واچوی شي.
د ډیپارټمنټونو نومونه:
کمیټې:
- د تضمین کیفیت کمیټه
- د الکترونیکي زده کړو کمیټه
- د نصاب کمیټه
- د تحقیق کمیټه
- د آزموینو کمیټه
- د تفاهمنامو کمیټه
- په ستراتیژیک پلان د تطبیق کمیټه
- د نتایجو د جدول ترتیب او تطبیق کمیټه
- فرهنګي کمیټه
- د نظم او ډسپلین کمیټه
تشکیلاتي چارت:
