د کابل پولي تخنیک پوهنتون کې د ماسټرۍ د شپږو پروګرامونو پیل.

kpu_admin
چهارشنبه ۱۴۰۰/۸/۲۶ - ۸:۵۳
د کابل پولي تخنیک پوهنتون کې د ماسټرۍ د شپږو پروګرامونو پیل.

د کابل پولي تخنیک پوهنتون رهبري، استادان او پرسونل په دې پوهنتون کې د ماسټرۍ ترکچې د نویو پروګرامونو د پیل کېدو له امله ټولو هیواد والو اوخصوصاً دعلم او تحصیل مینوالو ته مبارکي وایې.

 د کابل پولي تخنیک پوهنتون ترلیسانس پورته پروګرامونو لړۍ  د 1390ه ش کال څخه پیل شوې، چې په تېرو لسو کلونو کې يې د تعمیراتو،جیولوجي او هایدورلیک په برخه کې د ماسټرۍ په کچه تکړه انجینران ټولنې ته وړاندې کړي دي.

د 1400 ه ش کال له پیل نه د کابل پولي تخنیک پوهنتون رهبرۍ او اړوندو څانګو په ځانګړې پاملرنه او ظرفیت سره په شپږو څانګو کې د ماسټرۍ د پروګرامونو د جوړېدو وړاندیز د لوړو زده کړو محترم وزارت ته ورکړل شو، چې له نېکه مرغه د اسلامي امارت په راتګ، پولي تخنیک پوهنتون ته د لوړو زده کړو د وزیر شیخ عبدالباقي حقاني په ځانګړې پاملرنې او د لوړو زده کړو وزارت لخوا د یاد پوهنتون له پاره د ځانګړي استازي انجینر زیارمل خطاب له هلو ځلو وروسته د عالي شورا او کمیسیونونو په دایرکېدولو سره لاندې شپږ پروګرامونه منظورشول.

1.    د ودانیو د انجنیرۍ د مدیریت په څانګه کې د ماسټرۍ پروګرام.

2.    د ودانیو د پوهنځۍ د مهندسۍ په څانګه کې د ماسټرۍ پروګرام.

3.    د ترانسپورټي ودانیو د انجنیرۍ په څانګه کې د ماسټرۍ پروګرام.

4.    د ښاري پلان جوړونې په څانګه کې د ماسټرۍ پروګرام.

5.    د نفتو او ګازو د کېمیاوي صنایعو د انجنیرۍ په څانګه کې د ماسټرۍ پروګرام.

6.    د سروې انجنیرۍ د مدیریت په څانګه کې د ماسټرۍ پروګرام.

په دغه پروګرامونو کې په شرایطو برابر کسان د کانکور د آزموینې له لارې ترشفافې پروسې وروسته جذبېږي، چې د مجربو او متخصصو استادانو لخوا يې د تدریس چارې پرمخ وړل کېږي.

د یادونې وړ ده چې د نوموړو پروګرامونو نوم لیکنه د روان کال د لړم د میاشتې له لسمې نېټې څخه په اړوندو پوهنځیو کې پیل شوې ده.

تازه خبرونه

شنبه ۱۴۰۴/۴/۷ - ۱۲:۸
Background image

د کابل پولی‌ تخنیک پوهنتون د فوټبال منتخب ټیم د مرکزي زون د سیالیو نایب ‌قهرمان شو.

د مرکزي زون پوهنتونونو ترمنځ د ورزشي سیالیو د فوټبال وروستۍ (فاینل) لوبه د سه‌ شنبې په ورځ د کابل پولي ‌تخنیک پوهنتون او کابل پوهنتون ټیمونو ترمنځ ترسره شوه.

یاده حساسه لوبه د لوړو زده. . .

شنبه ۱۴۰۴/۴/۷ - ۸:۳۹
Background image

د کابل پولي ‌تخنیک پوهنتون ۱۷۰ تنه محصلان د رواني صحت له زده ‌کړیز کورس څخه فارغ شول.

د محصلانو د رواني پوهاوي او ذهني ظرفیت لوړولو په موخه، یو میاشتنی زده‌ کړیز پروګرام د «رواني صحت» تر عنوان لاندې د کابل پولي تخنیک پوهنتون د محصلانو چارو معاونیت له لوري ترسره شو.

د. . .

چهارشنبه ۱۴۰۴/۴/۴ - ۱۵:۶
Background image

په 1403 کال کې په نړیواله سطحه د کابل پولي تخنیک پوهنتون د استادانو نشر شویو مقالو ټولګه په انلاین بڼه خپره شوه.

د کابل پولي ‌تخنیک پوهنتون د څیړنو او علمي مجلې معاونیت، د علم او تکنالوژۍ د مجلې آمریت په ویاړ سره اعلانوي، چې د دې علمي نهاد د استادانو یوه پراخه او ارزښتناکه ټولګه علمي مقالو چاپ او. . .

BACK TO NEWS