د کابل پولي تخنیک پوهنتون کې د ماسټرۍ د شپږو پروګرامونو پیل.

kpu_admin
Wed, Nov 17 2021 8:53 AM
د کابل پولي تخنیک پوهنتون کې د ماسټرۍ د شپږو پروګرامونو پیل.

د کابل پولي تخنیک پوهنتون رهبري، استادان او پرسونل په دې پوهنتون کې د ماسټرۍ ترکچې د نویو پروګرامونو د پیل کېدو له امله ټولو هیواد والو اوخصوصاً دعلم او تحصیل مینوالو ته مبارکي وایې.

 د کابل پولي تخنیک پوهنتون ترلیسانس پورته پروګرامونو لړۍ  د 1390ه ش کال څخه پیل شوې، چې په تېرو لسو کلونو کې يې د تعمیراتو،جیولوجي او هایدورلیک په برخه کې د ماسټرۍ په کچه تکړه انجینران ټولنې ته وړاندې کړي دي.

د 1400 ه ش کال له پیل نه د کابل پولي تخنیک پوهنتون رهبرۍ او اړوندو څانګو په ځانګړې پاملرنه او ظرفیت سره په شپږو څانګو کې د ماسټرۍ د پروګرامونو د جوړېدو وړاندیز د لوړو زده کړو محترم وزارت ته ورکړل شو، چې له نېکه مرغه د اسلامي امارت په راتګ، پولي تخنیک پوهنتون ته د لوړو زده کړو د وزیر شیخ عبدالباقي حقاني په ځانګړې پاملرنې او د لوړو زده کړو وزارت لخوا د یاد پوهنتون له پاره د ځانګړي استازي انجینر زیارمل خطاب له هلو ځلو وروسته د عالي شورا او کمیسیونونو په دایرکېدولو سره لاندې شپږ پروګرامونه منظورشول.

1.    د ودانیو د انجنیرۍ د مدیریت په څانګه کې د ماسټرۍ پروګرام.

2.    د ودانیو د پوهنځۍ د مهندسۍ په څانګه کې د ماسټرۍ پروګرام.

3.    د ترانسپورټي ودانیو د انجنیرۍ په څانګه کې د ماسټرۍ پروګرام.

4.    د ښاري پلان جوړونې په څانګه کې د ماسټرۍ پروګرام.

5.    د نفتو او ګازو د کېمیاوي صنایعو د انجنیرۍ په څانګه کې د ماسټرۍ پروګرام.

6.    د سروې انجنیرۍ د مدیریت په څانګه کې د ماسټرۍ پروګرام.

په دغه پروګرامونو کې په شرایطو برابر کسان د کانکور د آزموینې له لارې ترشفافې پروسې وروسته جذبېږي، چې د مجربو او متخصصو استادانو لخوا يې د تدریس چارې پرمخ وړل کېږي.

د یادونې وړ ده چې د نوموړو پروګرامونو نوم لیکنه د روان کال د لړم د میاشتې له لسمې نېټې څخه په اړوندو پوهنځیو کې پیل شوې ده.

Latest news

Tue, Sep 21 2021 10:33 AM
Background image

Mr. Ahmad Munib Saeedi, Member of the Islamic Emarate, visited the vehicles of Kabul Polytechnic University

Mr. Ahmad Munib Saeedi, Member of the the Islamic Emarate, under the guidance of Engineer Ziarmal Khetab Representative of the Ministry of Higher Education, closely observed and. . .

BACK TO NEWS