د کابل پولي تخنیک پوهنتون نویو ګمارل شویو استادانو ته د تدریسي میتودونو په اړه ورکشاپ پیل شو

kpu_admin
چهارشنبه ۱۴۰۳/۴/۲۰ - ۱۱:۴۸
image

ورکشاپ د قرآنکریم د مبارکو آیاتونو په تلاوت سره پیل شو.
یاد ورکشاپ چې د استادانو د مسلکي پراختیا آمریت له خوا د نویو ګمارل شویو استادانو د تدریسي میتودونو سره د اشنا کولو په موخه پیل شو، په کې د کابل پولي تخنیک پوهنتون د عمومي ریاست سرپرست رئیس ښاغلي انجنیر سردار ولي صالحي، معاونینو، د پوهنځیو رئیسانو او استادانو ګډون درلود.
لومړی د کابل پولي تخنیک پوهنتون د عمومي ریاست سرپرست رئیس ښاغلي انجنیر سردار ولي صالحي استادانو ته د ښه راغلاست وینا ترڅنګ، وویل چې په دې ورکشاپ کې پهپوره لیوالتیا برخه واخلي او د استادانو د مسلکي پراختیا له آمریت څخه یې د یاد ورکشاپ د ترسره کولو له امله مننه وکړه.
ښاغلي صالحي زده کړه د هر انسان لپاره ضروري وبلله او له نويو ګمارل شويو استادانو یې وغوښتل چې د دغه روزنیز ورکشاپ درسونو ته جدي پاملرنه وکړي او محصلینو په برخه کې ورڅخه د ښه تدریس ګټه پورته کړي، نوموړي په دې برخه کې د کابل پولي تخنیک پوهنتون مشرتابه له خوا د هر اړخیزې همکارۍ ژمنه وکړه.
ورپسې د کابل پولي تخنیک پوهنتون د استادانو د مسلکي پراختیا آمر ښاغلي پوهندوی محمد یونس وفا د ورکشاپ د موضوع محتوا په اړه هر اړخیز معلومات وړاندې کړل.
د یادونې وړ ده، چې دغه ورکشاپ په دوو دورو کې تنظیم شوی، چې د ۶۰ تنه نویو ګمارل شوی استادانو پکې ګډون لري او د ورکشاپ درسی چاري به يې د یاد پوهنتون د ترانسپورټي ودانيو انجنیري پوهنځي رئيس ښاغلي پوهاند محمد نذير نجابي له خوا پر مخ وړل کیږي.

تازه خبرونه

چهارشنبه ۱۴۰۳/۴/۲۰ - ۱۱:۵۲
Background image

په کابل پولي تخنیک پوهنتون کې د تضمین کیفیت او اعتبار ورکولو لپاره د علمي پروګرامونو او چوکات جوړوني روزنیز سیمینار پای ته ورسید

دغه سیمینار چي د لوړو زده کړو وزارت د کیفیت د تضمین او اعتبار ورکولو ریاست له خوا د کابل پولي تخنیک پوهنتون په همکارۍ د یاد پوهنتون، کاردان خصوصي پوهنتون، خاتم النبیین خصوصي پوهنتون او. . .

چهارشنبه ۱۴۰۳/۴/۲۰ - ۱۱:۴۸
Background image

د کابل پولي تخنیک پوهنتون نویو ګمارل شویو استادانو ته د تدریسي میتودونو په اړه ورکشاپ پیل شو

ورکشاپ د قرآنکریم د مبارکو آیاتونو په تلاوت سره پیل شو.
یاد ورکشاپ چې د استادانو د مسلکي پراختیا آمریت له خوا د نویو ګمارل شویو استادانو د تدریسي میتودونو سره د اشنا کولو په موخه پیل شو. . .

دوشنبه ۱۴۰۳/۴/۱۸ - ۱۵:۶
Background image

په کابل پولي تخنیک پوهنتون کې د تضمین کیفیت او اعتبار ورکولو لپاره د علمي پروګرامونو او چوکاټ جوړوني روزنیز سیمینار جوړ شو

سیمینار د قرآنکریم د مبارکو آیاتونو په تلاوت سره پیل شو.
یاد سیمینار د لوړو زده کړو وزارت د کیفیت د تضمین او اعتبار ورکولو ریاست لخوا په لاره اچول شوی، چې په کې د کابل پولي تخنیک. . .

BACK TO NEWS