دجیولوجی او کانونو د اکتشاف انجنیری څانګی 

دجیولوجی اوکانونوداکتشاف انجنیری څانګه په 1346لمریزکال کی دکابل پولی تخنیک پوهنتون کی د درسونو دپیل په لمړی ورځ دګټورو اوجامدو کانونو دجیولوجی او کانونو دپلټنی او اکتشاف څانګی تر نامه لاندی تاسیس شوه او دمورنی څانګی په توګه تر اوسه پوری خپل فعالیت ته دجیولوجی اوکانونو دانجنیرانو  دیوه فارغ ور کونکی کانون په توګه دوام ور کوی .

تر تاسیس یی یوکال وروسته بله نوی څانګه دجامدو کانونو درا ویستلو تر نامه لاندی او دوه کاله وروسته بله څانګه دنفت او غاز دکانونو  دجیولوجی او پلټنی ،اکتشاف او را ویستلو تر نامه لاندی له دی څانګی څخه جلاشوی چی دواړه جلاشوی څانګی تر اوسه پوری دفارغ ورکونکو په توګه دجامدو توکو درویستلوانجنیری او نفت اوغازو دکانونو دانجنیری په برخه کی خپل علمی او اکادمیک فعالیت  ته دوام ورکوی .

په کال (1392) کی دساختمانی او صنعتی برخو دانجینری جیولوجی او هایدروجیولوجی دڅیړنو داهمیت په پام کی نیولوسره یو بله څانګه د انجنیری جیولوجی او هایدروجیولوجی په نوم له نوموړی څانګی څخه د یوی فارغ ورکونکی څانګی په تو ګه جلاشوه چی هیله ده په (1397) کال کی خپل لمړنی انجنیران د انجنیری جیولوجی او هایدروجیولوجی په برخه کی ټولنی ته وړاندی کړی  .

دجیولوجی اوکانونو داکتشاف انجنیری څانګه دخپل اکادمیک ژوند په اوږدوکی  دلسانس ، ماستر او ډاکتر په سویه تر 2000زیات انجنیران روزلی او هیواد ،خلکو او افغانی ټولنی ته یی وړاندی کړیدی .

هغه انجنیران چی له نوموړی څانګی څخه فارغ شوی دی دجیولوجیکی نقشی جوړولو ، دګټورو کانونو دپلټنی او اکتشاف ، هایدرو جیولوجی او انجنیری جیولوجی په برخو کی په فعال ډول دنده سرته رسولی او دتکړه متخصصینو په توګه یی دهیواد دمختلفو ساحو دجیولوجیکی نقشو په جوړولو ، پلټنی او اکتشاف او مختلفو کانونو لکه مس ، سره زر ، سپین زر ، پولی میتال قیمتی او زینتی ډبرو په محاسبه کی فعاله ونډه اخیستی ده .

هغوی دتر ځمکی لاندی اوبو دکمیت او کیفیت په ټاکلو کی بشپړ لاس لری او دصنعتی او مدنی ودانیو ،بندونو ، نهرونو ، لاروجوړولو، دبرښنا دپايو نصبولواونورو ساختمانی چاروکی لازم اوضروری جیولوجیکی څیړنی په ښه توګه سرته رسولی دی .

په (1393) کال کی دڅانګی داستادانو دمجلس دوړاندیز دپوهنځی او پوهنتون دعلمی شوراګانو دتاید پر بنسټ او دلوړوزده کړو دوزارت دواک لرونکو مقامونو دتصویب له مخی دڅانګی نوم «جیولوجی او کانونو داکتشاف انجنیری»باندی ونومول شو .

د دی څانګی دفعالیت په بهیر کی درسی، مرستندویه درسی کتابونه ، دلابراتوار لارښود او لکچر نوټونه په مختلفو مضمونونوکی دبهرنیو او داخلی استادانو لخوا برابر او تالیف شوی او دمحصلینو دګټی اخیستلو لپاره دهغوی په چاپ اونشر کی اقدام شوی دی.

په اوس وخت کی  د درسی او د درسی مرستندویه کتابونو تالیف او ژباړنه په څانګه کی ښه ځلیدلی او د دی څانګی دتجربه لرونکو استادانو په همت لس ګونه کتابونه په مختلفو مضمونونو کی لکه عمومی جیولوجی ، کانپوهنه ، جیوکیمیا، دکانونو پلټنه او اکتشاف ، انجنیری جیولوجی ، هایدروجیولوجی ، دافغانستان جیولوجی او ګټور کانونه په دوو ټوکوکی (لومړی ټوک جیولوجی دوهم ټوک ګټورکانونه ) دکانی ساحو اوکانونو جوړښت ، ساختمانی جیولوجی ، جیومورفولوجی ، دچاپیرال جیولوجی ، دپتروګرافی بنسټونه ، دګټوروتوکوجیولوجی ، دجیمولوجی بنسټونه ، منرالوجی ، دافغانستان مګماتیزم او اندوجنی میتالوجنی اونور په دری او پښتو ژبو تالیف او ژباړل شوی دی چی د درسی پروسی پر ښه والی او دزده کړیالانو دپوهی دسطحی په لوړولو کی ئی ستره ونډه لوبولی ده .

د دی څانګی په علمی کادر کی په اوس وخت کی لاندینی استادان شامل دی چی د اړوندو مضمونونو د تدریس پروسه په نوموړی څانګه او ګاونډیو څانګو کی په بریالی توګه په مخ بیایی .

لازمه ده چی دلته دټولو هغو داخلی او بهرنیو استادانو دپام وړ خدمتونو څخه چی په پخوانیو    کلونو کی ئی په صادقانه توګه دزیاتوستونزو په ګاللو سره په درسی پروسه کی دڅانګی په تکاملی تګ لوری کی برخه اخستی په قدردانی سره یادونه وکړو هغه چی له دی فانی نړی تللی روح دی ښاد وی او هغوی چی ژوندی دی داوږده عمر غوښتونکی یی یو او له بریالی توبونو د ډک ژوند هیله  یی کوو .

دجیولوجی او اکتشاف د انجنیری څانګی زده کړیزی موخی

هغه متخصصین چی دجیولوجی او اکتشاف انجنیری په څانګه کی په مسلکی ډول روزل کیږی په لنډ دول لاندی موخی تر سره کوی 

1. دجامدو ګټورو توکو دکانونو پلټنه او اکتشاف
2. په مختلفو مقیاسونو دجیولوجیکی نقشو جوړول او ترتیبول
3. دمختلفو جیولوجیکی پروسو جبولوجیکی څیړنی
4. دجیولوجیکی خطرونو ارزول او دهغو دمخنیوی لپاره دمقدماتی تدبیرونو نیول
5. دافغانسان داسلامی جمهوریت په مختلفو وزارتونو کی دجیوانجنیری اوهایدروجیولوجیکی کارونو سرته رسول
6. دکانونو او پترولیم وزارت  دجیولوجی او سروی دریاست په اړوندو برخوکی دلابراتواری کارنو بریالی اجراکول
7. دمختلفو کانونو دصنعتی تیپونو تشخیص او تثبیت
8. په مختلفو طریقو اوکتګوریو دزیرمو محاسبه
9. دزیرمو دمحاسبی دمساعدو اوګټورو  وریانتونو نومول
10. دکانونو دایستلو طریقی وړاندیز او په دی برخه کی ګتوری مشوری ورکول

لیدلوری

دجیولوجی اوکانونو داکتشاف دانجنیری څانګه زده کړیالانو او مسلکی انجنیرانو لپاره دلوړو زده کړو یو واحد ګڼل کیږی . داعلمی څانګه دځوانو مسلکی کادرونو په روزنه کی دټولنی اوهیواد د اړتیاوو مطابق دټولنیز آرامی او اقتصادی بنسټ دپیاوړتیا لپاره ارزښتناکه رول لوبولی . دځوانو کادرونو زده کړه او روزنه په دی څانګه کی د دی څانګی دتجربه لرونکو استادانو په واسطه صورت مومی . دجیولوجی او اکتشاف دانجنیری مسلکی انجنیران کولای شی چی هیواد دپرمختګ په لور دټولنی دغوښتنو مطابق په مخ بوزی .

رسالت

دجیولوجی اواکتشاف دانجنیری څانګه دنورو څانګوپه شان دجیولوجی دمسلکی انجنیرانو (انجنیر جیولوج) په روزنه کی دزده کړیالانو دپوهی دسطحی دلوړیدو په منظوراودهغو فعالی برخی اخیستلو دجامدو ګتورو کانونو د ګټورتوب اواقتصادی توب ټاکل دټولنی دپرمختګ او آرامی لپاره دهیواد دغوښتنو مطابق ټاکونکی رول لوبولی .

موخه

دمسلکی انجنیرانو دزده کړی موخه په تولیدی برخه کی دټولنی دغوښتنو مطابق دی . ستندردو معیارونو رسیدلو لپاره ، تحصیلی نصاب (کریکولم ) او دهغه نوی کول اړین دی ترڅو پوری دلوړ کیفیت دلوړو زده کړو لپاره لازمی اسانتیاوی دنړبوالو معیارونو مطابق ښه زمینه او امکانات برابر شی تر څو پوری مختلفی رشتوی څانګی وکولای شی مسلکی انجنیران دهیواد داړتیاو مطابق ټولنی ته وړاندی کړی .

 

د جیولوجی او کانونو د اکتشاف انحنیری څانګی کریکولم

(لمړی) ټولګی (لمړی) سمستر

د مضمون کوډ	د مضمون نوم	د کریډیټونو شمیر
CO 101	اسلامی ثقافت	1
CO 103	تاریخ	1
EL 102	خارجی ژبه – انګلیسی	3
EL 113	په جیولوجیکی علومو کی عالی ریاضی	4
CH 114	عمومی کیمیا	4
CO 123	ترسیمی هندسه او تخنیکی رسم	2
EL 116	فزیک	2
CS 119	د کمپیوتر بنسټونه	2
GE 104	ورزش	1
مجموعه		20

 (لمړی) ټولګی (دوهم) سمستر

د مضمون کوډ	د مضمون نوم	د کریډیټونو شمیر
CO 201	اسلامی ثقافت	1
EL 202	خارجی ژبه – انګلیسی	3
EL 213	په جیولوجیکی علومو کی عالی ریاضی	3
CH 214	عمومی کیمیا	3
CH 251	تحلیلی کیمیا	2
CO 223	ترسیمی هندسه او تخنیکی رسم	1
EL 216	فزیک	2
CS 219	د کمپیوتر بنسټونه	2
GE 225	عمومی جیولوجی	3
مجموعه		20

(دوهم) ټولګی (دریم) سمستر

د مضمون کوډ	د مضمون نوم	د کریډیټونو شمیر
CO 301	اسلامی ثقافت	1
EL 302	خارجی ژبه – انګلیسی	2
EL 313	په جیولوجیکی علومو کی عالی ریاضی	2
EL 316	فزیک	2
EL 317	تخنیکی میخانیک	2
GC 318	انجنیری جیودیزی	2
GE 325	عمومی جیولوجی	3
GE 353	کرستالوگرافی	3
GE 327	پالیونتالوجی او تاریخی جیولوجی	2
GE 347	ساحوی کار (عمومی جیولوجی)	2
مجموعه		21

(دوهم) ټولګی (څلورم) سمستر

د مضمون کوډ	د مضمون نوم	د کریډیټونو شمیر
CO 401	اسلامی ثقافت	1
EL 402	خارجی ژبه – انګلیسی	2
EL 417	تخنیکی  میخانیک	2
EM 408	الکتروتخنیک	2
GC 418	انجنیری جیودیزی	2
GE 428	منرالوجی	3
GE 427	پالیونتالوجی او تاریخی جیولوجی	3
GE 429	ساختمانی جیولوجی او جیولوجیکی نقشه اخیستل	3
GC 448	ساحوی کار (جیودیزی انجنیری)	2
مجموعه		20

 (دریم) ټولګی (پنځم) سمستر

د مضمون کوډ	د مضمون نوم	د کریډیټونو شمیر
CO 501	اسلامی ثقافت	1
GE 552	په جیولوجی کی له کمپیوتر څخه ګټه اخیستل	2
GE 528	منرالوجی	3
GE 554	کرستال اوپټیک	2
GE 558	کان پوهنه	2
GE 529	ساختمانی جیولوجی او جیولوجیکی نقشه اخیستل	2
GE 560	تکتنونیک او جیوډینامیک	2
GE 538	جیومورفولوجی	2
GE 531	هایدروجیولوجی او انجنیری جیولوجی	3
GE 549	ساحوی کار (جیولوجیکی نقشه اخیستل)	2
مجموعه		21

(دریم) ټولګی (شپږم) سمستر

د مضمون کوډ	د مضمون نوم	د کریډیټونو شمیر
CO 601	اسلامی ثقافت	1
GE 630	د مګماتیکی ډبرو پتروګرافی	3
GE 658	کان پوهنه	2
GE 660	تکتونیک او جیوډینامیک	2
GE 632	د چاپریال جیولوجی او جیولوجیکی خطرونه	3
GE 636	د کانونو پلټنه او اکتشاف	2
GE 662	د کانونو چاری	2
GC 620	د جغرافیایی اطلاعاتو سیستم (GIS)	2
GE 672	د کانونو مدیریت	3
مجموعه		20

(څلورم) ټولګی (اوم) سمستر

د مضمون کوډ	د مضمون نوم	د کریډیټونو شمیر
CO 701	اسلامی ثقافت	1
GE 739	د جیمولوجی بنسټونه	2
GE 756	د میتامورفیکی ډبرو پتروګرافی	3
GE 757	جیوکیمیا	2
GE 758	کان پوهنه	2
GE 759	ستراتیګرافی او سیدیمنټولوجی	2
GE 761	اکتشافی برمه کاری	2
GE 734	جیوفزیک	2
GE 736	د کانونو پلټنه او اکتشاف	2
GE 766	علمی لیکنی او وړاندی کول یی	1
GE 772	د کانونو قانون	2
مجموعه		21

(څلورم) ټولګی (اتم) سمستر

د مضمون کوډ	د مضمون نوم	د کریډیټونو شمیر
CO 801	اسلامی ثقافت	1
GE 839	د جیمولوجی بنسټونه	2
GE 857	جیوکیمیا	2
GE 859	ستراتیګرافی او سیدیمنټولوجی	3
GE 842	د افغانستان سیمه ایزه جیولوجی او ستراتیګرافی	2
GE 834	جیوفزیک	2
GE 836	د کانونو پلټنه او اکتشاف	2
GC 836	مارکشیدری	1
GC 864	ریموټ سنسنګ	2
EMRE 865	رشتوی اقتصاد	2
GE 866	علمی لیکنی او وړاندی کول یی	1
مجموعه		20

(پنځم) ټولګی (نهم) سمستر

د مضمون کوډ	د مضمون نوم	د کریډیټونو شمیر
GE 972	د کار زده کړه (د دیپلوم څخه د مخه ساحوی کار)	5
GE 973	د لیسانس دوری دیپلوم	8
مجموعه		13