د کابل پولي تخنیک پوهنتون د مالي او اداري معاونیت اداري غونډه تر سره شوه

غونډه د قرانکریم د مبارکو ایاتو په تلاوت سره پیل شوه.
د کابل پولي تخنیک پوهنتون مالي او اداري مرستیال ښاغلي مولوي محمد یاسین حقاني د غونډې ټولو ګډونوالو ته د ښه راغلاست وینا تر څنګ د غونډې اجنډا له برخوالو سره شریکه کړه.
لومړی د یاد معاونیت اړوند امرینو په نوبت سره د خپلو کارونو او فعالیتونو راپور د غونډې له ګډونوالو سره شریک کړ.
ورپسې د اجنډا له مخې د پوهنتون د رهبرۍ شورا له خوا مالي او اداري معاونیت ته ورسپال شویو کارونو، د پروژو د قراردادونو د خبرتیا او اعلاناتو لپاره د ښه او منظم سیسټم رامنځ ته کولو، د آمریتونو د کاري، عملیاتي او تطبیقي پلانونو د تائید او یو لړ نورو متفرقه چارو په اړه هر اړخیز بحث او لازم تصمیمونه ونیول شول.
په اخیر کې ښاغلي حقاني د چارو د لا ښوالي په موخه برخوالو ته لازمې مشورې او وړانديزونه وړاندې کړل، تر څو کارونه په منظم شکل پر مخ ولاړ شي.
غونډه د دعایي په ویلو سره پای ته ورسیده.