د کابل پولي تخنیک پوهنتون د مالي کمېټې غونډه تر سره شوه

غونډه د قرآنکریم د مبارکو آیاتو په تلاوت سره پیل شوه.
لومړی د کابل پولي تخنیک پوهنتون مالي او اداري مرستیال ښاغلي مولوي محمد یاسین حقاني د کمیټې غړو ته د ښه راغلاست وینا تر څنګ د اجنډا اړوند مفصل معلومات وړاندې کړل.
ښاغلي حقاني د عوایدو د راټولولو، په لومړۍ، دوهمه او دریمه ربع کې د بودیجې لګښت او د پاتې بودیجې په اړه یې هر اړخیز معلومات له ګډونوالو سره شریک کړل.
دغه راز د تدارکاتو، او خدماتو امریت آمر ښاغلي مولوي عبدالرازق اواب د قراردادي پروژو د تدارکاتي پړاونو، د قراردادونو او ساختماني چارو په اړه د تدارکاتو، او خدماتو د چارو آمریت راپور وړاندې کړ.
د غونډې په دوام کې د یادې کمېټې د کاري پلان د ښه تطبیق، د بودیجې په ښه توګه د مصرف، او بودیجې ته په کتو د لومړیتوبونو په پام کې نیولو او نورو بېلابېلو موضوعاتو په اړه بحث تر سره او د نورو اجراأتو لپاره لازم تصمیمونه ونیول شول.
غونډه د دعایې په ویلو سره پای ته ورسیده.