د لوړو زده کړو وزارت سرپرست ښاغلي شیخ الحدیث مولوي ندا محمد ندیم د کابل پولي تخنیک پوهنتون له محصلینو سره د دیني او اصلاحي درسونو د پیل په اړه وکتل
غونډه د قرآنکریم د مبارکو آیاتونو په تلاوت سره پيل شول.
په دغه غونډه کې د لوړو زده کړو وزارت سرپرست ښاغلي شیخ الحدیث مولوي ندا محمد ندیم، د لوړو زده کړو وزارت د دعوت او ارشاد رئیس ښاغلي شیخ شا کرالله وحدت، د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال ، د پوهنتون معاونینو، د پوهنځیو رئیسانو، استادانو، آمرینو، او محصلینو ګډون درلود.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال ټولو ته د ښه راغلاست وینا وکړه .
ورپسې د لوړو زده کړو وزارت سرپرست وزیر ښاغلي شیخ الحدیث مولوي ندا محمد ندیم صاحب د محصلینو لپاره د عقیدتي او اصلاحي درسونو د اهمیت او اړتیا په اړه خپله وینا پیل کړه او د اسلامي عقیدې ، الهي حدودو، دیني احکامو، په اسلامي علومو پوهېدل او په اسلامي ټولنه کې د هغو پلي کېدل او همدارنګه د عبادتونو د احکامو اطاعت، نیتونه، اعمال، مکافات او مجازات په اسلام کې، اخلاق، تواضع, په خدای توکل او له تکبر، غرور څخه ځان ساتل د ځوان مسلمان له مکلفیتونو څخه وبلل او د دیني درسونو زده کړې یې د ټولنې او فردي اخلاقو د اصلاح لپاره مهم او ارزښتناک وګنل او په یادو موضوعاتو یې هر اړخیزې خبرې وکړې.
په اخیر کې د لوړو زده کړو وزارت د دعوت او ارشاد رئیس ښاغلي شاکر الله وحدت د دغه پوهنتون له محصلینو سره د لوړو زده کړو وزارت د رهبرۍ د ناستې موخه په دغه پوهنتون کې د عقیدتي او اصلاحي درسونو پیل یاد کړ ، او ګډونوالو ته د یادو درسونو د محتوا په اړه هر اړخیز معلومات وړاندي کړل او زده کړیالان یې وهڅول چې یادو درسونه ته په پوره علاقه حاضري ورکړي.
د یادونه وړ ده چې یاد درسونه به د جید علما کرامو او شیوخو لخوا په افتخاري ډول پرمخ وړل کیږي.
غونډه د دعایې په ویلو سره پای ته ورسیده.
