په 1403 کال کې په نړیواله سطحه د کابل پولي تخنیک پوهنتون د استادانو نشر شویو مقالو ټولګه په انلاین بڼه خپره شوه.
د کابل پولي تخنیک پوهنتون د څیړنو او علمي مجلې معاونیت، د علم او تکنالوژۍ د مجلې آمریت په ویاړ سره اعلانوي، چې د دې علمي نهاد د استادانو یوه پراخه او ارزښتناکه ټولګه علمي مقالو چاپ او خپره شوې ده. دغه مقالي چې د دې پوهنتون د استادانو د څېړنیزو لاسته راوړنو استازولي کوي، په نړیوالو معتبر ژورنالونو کې خپرې شوي دي.
یادې مقالي د استادانو د منظمې او علمي هڅې ښکارندويي کوي، چې د پوهې د پراختیا، د تخنیکي ټولنیزو اړتیاوو د پوره کولو، او د نړیوال علمي تولید په بهیر کې د فعال ګډون په موخه ترسره شوې دي. د دې مقالو محتوا په عملي څېړنو، تکنالوژیک نوښتونو، تخنیکي ستونزو ته د حل لارو او دوامدار پرمختګ تمرکز لري.
د دغې ټولګې خپرول د دې ښکارندويي کوي چې د کابل پولي تخنیک پوهنتون د علمي څېړنو د سطحې د لوړولو، او له ملي او نړیوالو پوهنتونونو سره د اړیکو د پیاوړتیا په برخه کې ژور تعهد لري.
هغه علاقه مندان چې غواړي له دې ارزښتمنو څېړنو څخه ګټه واخلي، کولای شي له لاندې لینک څخه استفاده وکړي او د دې پوهنتون د استادانو له نوې علمي موندنو څخه برخمن شي:
https://tinyurl.com/2024ArticlesCollections
کابل پولي تخنیک پوهنتون ژمن دی چې د هېواد د مخکښو علمي بنسټونو په توګه، د لا زیاتو څېړنو، نوښتونو او د پوهې د انتقال لپاره زمینه برابره کړي.
