په کابل پولي تخنیک پوهنتون کې د پوهنتون د رهبري مقام او د لوړو زده کړو وزارت د امرباالمعروف و نهی عن المنکر ریاست په ګده همغږي د ښځینه استادانو، محصلینو او اداري کارمندانو لپاره غونډه ترسره کړه.
غونډه د قران کریم د مبارکو آیاتونو په تلاوت سره پیل شوه.
یاده غونډه کې د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال، د کابل پولي تخنیک پوهنتون لپاره د لوړو زده کړو وزارت ځانګړي استازي مالي او اداري مرستیال ښاغلي انجنیر زیارمل خطاب، د لوړو زده کړو وزارت د امر باالمعروف و نهی عن المنکر رئیس ښاغلي شیخ شاکر الله شاکر، د پنځمي امنیتي حوزې د امر باالمعروف و نهی عن المنکر آمر، ورسره پلاوي، ښځینه استادانو، محصلینو، اداري کارمندانو او کارکونکو ګدون درلود.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال د غونډې ګدونوالو ته د ښه راغلاست ترڅنګ د اسلامي امارت له مقام څخه مننه وکړه چې، د پوهنتونو شروع کیدو ته یې خاصه پاملرنه کړې نوموړې ګدونوالوته په اشارې سره زیاته کړه کوم اصول چې، اسلامي امارت د پوهنتونو د شروع لپاره تاکلي باید په بشپړه توګه ترې ملاتړ وکرۍ نو که چیرته له نوموړو اصولو څخه سرغړونه وشی هسی نه د پوهنتونو د بیرته بندیدلو سبب به وګرځی.
ورپسې د لوړو زده کړو وزارت د امر باالمعروف و نهی عن المنکر رئیس ښاغلي شیخ شاکر الله شاکر په خپلو خبرو کې زیاته کړه چې اسلامي امارت د انجونو د تعلیم سره هیڅ مخالفت نه لري بلکی دا تعلیم به د شرعې احکامو په چوکاټ کې ترسره کیږي
همدا راز په کابل پولي تخنیک پوهنتون کې د لوړو زده کړو وزارت ځانګړي استازي مالي او اداري مرستیال ښاغلي انجنیر زیارمل خطاب د لوړو زده کړو وزارت لایحه په مفصله توګه بیان کړه.
نوموړی په اسلام کې د ښځو د مقام په هکله په تفصیل سره خبرې وکړې، هغه زیاته کړه کوم احکام چې امارت اسلامی يې پلې کول غواړی دا شرعې احکام دې نه د چا شخصي غوښتنه.
د غونډی په پای کې د پنځمي امنیتي حوزې د امرباالمعروف و نهی عن المنکر امر د کابل پولي تخنیک پوهنتون د بشري سرچینو آمر قاضي محمد انس مجاهد په خپل نوبت سره خبرې وکړې
غونډه د ګدونوالو پښتنو ته په ځوابونو سره پای ته ورسیده.
