په کابل پولي تخنیک پوهنتون کې د لیلیې نوی آمر معرفي شو
ښاغلي فضل عمرشریفی د کابل پولي تخنیک پوهنتون د لیلیې د نوي آمرپه توگه معرفي شو.
د معرفت مراسم د قرانکریم د مبارکو آیتونو په تلاوت سره پیل شوه.
لومړی د کابل پولي تخنیک پوهنتون عمومي رئیس ښاغلي دیپلوم انجنیرعبدالرشید اقبال په اداره کې تغییر او بدلون یو اداري اصل یاد کړ
نوموړي د لیلیې د پخواني آمر د کارونو او فعالیتونو څخه مننه وکړه او ورسره څنګ کې یې نوي آمر ته په کارونو کې د لابریالیتوب هیله وکړه
ورپسې د کابل پولي تخنیک پوهنتون مالي او اداري مرستیال ښاغلي انجنیرسید مصباح الدین هاشمي د لیلیې د ټولو اداري کارکوونکو څخه هیله وکړه تر څو خپل کارونه د نوي آمر سره په همغږی، مخ ته یوسي.
نوموړي د پخواني آمر د کارونو قدرداني وکړه او له نوي آمر سره یې د هر راز همکاري ژمنه وکړه
د لیلیې پخواني آمر ښاغلي نجیب الله امر خیل د غوندې ګدونوالو ته د دغه آمریت لنډ کاری راپور وړاندې کړ او د خدای ج په اماني تر څنګ یې نوی آمر ته د مبارکي او بریالیتوب هیله وښوده.
همدا راز د لیلیې نوي آمر ښاغلي فضل عمر شریفي د کابل پولي تخنیک پوهنتون له مشرتابه څخه خوښي څرګنده کړه او د دې ادارې له ټولو غړو څخه یې د همکارۍ غوښتنه وکړه. ښاغلي شریفي زیاته کړه چې ورسپارل شوې دنده به په پوره صداقت سره پر مخ وړي
غونډه د دعائیی په لوستلو سره پای ته ورسیده
