په کابل پولي تخنیک پوهنتون کې د الکترونیکي زده کړو د مدیریت سیسټم (HELMS) ښوونیز ورکشاپ پرانیستل شو
ورکشاپ د قرانکریم د مبارکو آیاتونو په تلاوت سره پیل شو.
لومړی د استادانو د مسلکي روزنې او پراختیا آمر ښاغلي پوهندوی محمد یونس وفا د یاد شوي ورکشاپ په اړه چې د استادانو لپاره په لاره اچول شوی وو په تفصیل سره خبرې وکړې، چې موخه یې محصلینو ته د استادانو له خوا د آنلاین درسونو برابرول دي.
ورپسې د دغه پوهنتون د کمپیوتر ساینس پوهنځي استادان ښاغلي پوهنیار سید شفیع الله سادات، پوهنیار احمد تمیم سهاک او پوهنیار مدثر ظفر مل د ورکشاپ ګډونوالو ته خپل اړوند چمتو شوي پریزنټیشنونه وړاندې کړل.
د يادونې وړ ده، چې دغه ورکشاپ د یاد پوهنتون د اتو پوهنځيو د 130 تنو استادانو لپاره د استادانو د مسلکي ودې څانګې (PDC) له خوا د معلوماتي ټیکنالوژي آمریت په همکاري سره جوړ شوى و.
