په کابل پولي تخنیک پوهنتون د لابرانټ او تخنیکي کارمندانو لپاره روزنیز ورکشاپ پیل شو.
د کابل پولي تخنیک پوهنتون د څیړنو او علمي مجلي معاونیت د لابراتوارونو آمریت لخوا د فني مهارتونو د پرمختګ او د تحقیق کیفیت لوړولو په موخه دغه روزنیز ورکشاپ پیل شو، چې د لابراتوارونو امریت آمر انجنیر ذبیح الله اسماعیل خیل او د لابراتوارونو تخنیکی مدیریت کارمند انجنیر سمیع الله رسولی، د لابراتوارونو تخنیکي کارمندانو لخوا پرانستل شو.
لومړی ښاغلي انجنیر ذبیح الله اسماعیل خیل، د کابل پولي تخنیک پوهنتون د لابراتوارونو آمر، ټولو حاضرینو ته ښه راغلاست وویل او د دې روزنیز ورکشاپ د لابراتوارونو او تخنیکي کارمندانو لپاره مهم او ارزښتناک وباله.
نوموړي له ټولو لابرانټ او تخنیکي کارمندانو څخه غوښتنه وکړه چې په دې دوره کې فعاله ګډون وکړي، د خپلو تجربو او پوهې څخه د څیړنو کیفیت د لوړولو او د لابراتوارونو د چارو ښه کولو لپاره ګټه واخلي.
د دې روزنې هدف د لابرانټ او تخنیکي کارمندانو د علمي او فني وړتیاوو ښه کول او همدارنګه د لابراتوارونو وسایل او تجهیزات سم استعمالول دي، ترڅو په مختلفو تحقیقاتي برخو کې پوره ګټه ترې واخیستل شي.
د یادونې وړ دی، چې دغه روزنیزه دوره د کابل پولي تخنیک پوهنتون د ساختماني پوهنځي د ترانسپورټ انجنیري د اوبو او چاپېریال انجنیري او د کیمیاوي صنایع انجنیري پوهنځیو لپاره ترتیب شوی، چې د دریو ورځو لپاره به دوام وکړي او د ساختماني پوهنځي لابرانټ انجنیر نقیب الله واحدي او د اوبو سرچینو او چاپېریال انجنیري پوهنځي تخنیکي کارمند انجنیر عبدالنبي عالمید لخوا به یې تدریسي چارې وړاندې کېږي.
