د کابل پولي تخنیک پوهنتون ۷ تنه فارغالتحصیلان د حبیب گلزار شرکت ته معرفي او په دندو وګمارل شول.
د کابل پولي تخنیک پوهنتون د الکترومیخانیک پوهنځي د برېښنا انجنیري او اتومیخانیک انجنیري څانګو څخه ۷ تنه فارغ التحصیلان د حبیب گلزار شرکت له خوا په تخنیکي او مسلکي بستونو کې وګمارل شول.
کابل پولي تخنیک پوهنتون تل له دولتي ادارو، وزارتونو، خصوصي شرکتونو او نورو بنسټونو سره نږدې اړیکې لري او هڅه کوي چې خپلو فارغالتحصیل شویو محصلانو ته د کار زمینې برابرې کړي.
د پوهنتون مشرتابه د حبیب گلزار شرکت له دې صمیمانه همکاریو څخه مننه او قدرداني کوې او دغه اقدام یې د لوړو زدهکړو او کاري بازار ترمنځ د اغېزمنې اړیکې یو ارزښتناکه لاسته راوړ ګڼلی دی.
همداراز، د پوهنتون مشرتابه هیله څرګنده کړې چې یاد فارغ التحصیلان به د صداقت، ژمنتیا او مسلکي خدمتونو له لارې وکولی شي د حبیب گلزار شرکت په لا بریالیتوب او پرمختګ کې ارزښتناک رول ولوبوي.
