د کابل پولي تخنیک پوهنتون په مالي او اداري معاونیت کې اداري غونډه ترسره شوه.
اداري غونډه د مولوي محمد یاسین حقاني په مشرۍ، د کابل پولي تخنیک پوهنتون د مالي او اداري معاونیت په دفتر کې د اداري څانګو د آمرینو په ګډون سره ترسره شوه.
لومړی د کابل پولي تخنیک پوهنتون د مالي او اداري چارو مرستیال مولوي محمد یاسین حقاني د اجندا مطابق یې په بیلابیلو موضوعاتو خبرې وکړې او د مالي او اداري چارو د لا ښه والي ټینګار یې وکړ.
په غونډه کې لاندې مهم موضوعات تر بحث لاندې ونیول شول: د تېرې غونډې د پرېکړو د تطبیق راپور، محصلینو ته د مطالعې لپاره د مناسب ځای برابرول، د ۱۴۰۴ کال لپاره د نرخ اخیستنې د هیئت ټاکل، د کارپوهانو کمیټې فعالیتونه، د پوهنتون سرسبزي، د وزارت د رهبري شورا، علمي شورا او د پوهنتون د رهبري شورا د پرېکړو تطبیق او نور متفرقه موارد.
همدارنګه، د اداري څانګو آمرینو د خپلو اجراآتو راپورونه وړاندې کړل او د کاري بهیر د ښه والي لپاره یې نظریات او وړاندیزونه شریک کړل، چې د محترم معاون له خوا واورېدل شول او اړوندو برخو ته لازم رهنمودونه او مشورې ورکړل شوې.
غونډه د دعایې په ویلو سره پای ته ورسید.
