د کابل پولي تخنیک پوهنتون ممتازو محصلینو ته ستاینغونډه ترسره شوه.
غونډه د قرآنکریم د مبارکو آیاتونو په تلاوت سره پیل شوه.
دا غونډه چې د کابل پولي تخنیک پوهنتون د ممتازو محصلینو د ستایلو لپاره جوړه شوې وه، په کې د کابل پولي تخنیک پوهنتون رهبري هیئت، استادانو، کارمندانو، محصلینو او مېلمنو ګډون درلود.
لومړی د کابل پولي تخنیک پوهنتون د علمي چارو مرستیال ښاغلي پوهنوال دیپلوم انجنیر عبدالرشید اقبال ټولو ګډونوالو ته پیلیزه او د ښه راغلاست وینا وکړه او هغه محصلین یې لا تشویق کړل چې په خپلو هڅو یې لوړې نومرې تر لاسه کړې او لومړي مقامونه یې ګټلي دي.
نوموړي همدارنګه نور محصلین هم دې ته و هڅول تر څو خپل درسونه په ښه شکل تعقیب کړي او ځانونه د ممتازو محصلینو په قطار کې راولي.
ښاغلي اقبال په خپلو خبرو کې له ټولو محصلانو وغوښتل چې خپل ایماني او وجداني وجیبه په ښه توګه ادا کړي او د یو مسؤل او متعهد شخص په توګه د خپلي کورنۍ، ټولنې او خلکو د خدمت جوګه وګرځي.
غونډه ممتازو محصلینو ته د تقدیر نامو او تحایفو ورکولو او د دعايې په ویلو سره پای ته ورسیده.
