د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د ترکیې د اوستم تخنیکي پوهنتون رئیس ښاغلي پروفیسور ډاکټر مورت یولک سره وکتل
په یاده کتنه کې د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال، د کابل پولي تخنیک پوهنتون لپاره د لوړو زده کړو وزارت ځانګړي استازي د مالي او اداري چارو مرستیال ښاغلي انجنیر زیارمل خطاب، علمي مرستیال ښاغلي پوهنوال دیپلوم انجنیر محمد نسیم نسیمي او د پوهنځيو رئیسانو ګډون کړی و.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال ښاغلي پروفیسور ډاکټر مورت یولک د اوستم تخنیکی پوهنتون عمومي رئیس او ورسره مل پلاوي ته ښه راغلاست وویل، ښاغلي اقبال د ترکیې په ګډون له بهرنیو پوهنتونونو سره د دغه پوهنتون د ښو اړیکو په اړه خبرې وکړې.
نوموړي پوهنتون ته د فروفیسور ډاکټر مورت یولک راتګ په اړه خوښي څرګنده کړه.
ورپسې د ترکیې د اوستم تخنیکي پوهنتون رئیس ښاغلي پروفیسور ډاکټر مورت یولک کابل پولي تخنیک پوهنتون ته په راتګ خوښي څرګنده او له میلمه پالنې خوښې څرګنده کړه.
ښاغلي مورت یولک د اوستم تخنیکي پوهنتون، اړوندو څانګو او د هغه د صنعتي شرکتونو په اړه معلومات ورکړل.
او همدارنګه یې د لوړو زده کړو محترم وزیر ښاغلي شیخ عبدالباقی حقاني، د کانونو او پطرولیم وزیر ښاغلی شیخ شهاب الدین دلاور سره یې له ملاقات یادونه وکړه.
نوموړِي د دغه پوهنتون سره يې د روزنيزو او علمي پروژو په برخو کې د همکاری ژمنه وکړه.
د غونډې په جریان کې د کابل پولي تخنیک پوهنتون لپاره د لوړو زده کړو وزارت ځانګړي استازي د مالي او اداري چارو مرستیال ښاغلي انجنیر زیارمل خطاب د ښه راغلاست تر څنګ د پوهنتون د اړتیاوو په اړه یې خبرې وکړې او له نوموړي پلاوي څخه یې د هر راز همکاریو غوښتنه وکړه.
غونډه دواړه لوریو ته د ځانګړو تحفو په ورکولو سره پای ته ورسیده.
