د کابل پولي تخنیک پوهنتون د مالي او اداري مرستیال او هغو محصلینو تر منځ غونډه ترسره شوه، چې د یاد پوهنتون په لیلیه کې اوسیږي
غونډه د قرآنکریم د مبارکو آیاتونو په تلاوت سره پیل شوه.
یاده غونډه چې د کابل پولي تخنیک پوهنتون د لیلیې محصلینو د ستونزو د حل او د وړاندیزونو او نظریاتو اورېدو په موخه جوړه شوې وه په کې مالي او اداري مرستيال ښاغلي مولوي محمد ياسين حقاني، د څانګو آمرینو او د دی پوهنتون د ليليې محصلينو ګډون کړى وو.
په پیل کې مالي او اداري مرستيال ښاغلي مولوي محمد ياسين حقاني د ښه راغلاست وینا تر څنګ لازمې سپارښتنې وکړې.
نوموړي له ټولو محصلینو وغوښتل چې لمنځونه په جماعت ترسره کړي، سګریټ او نور نشه یي توکي ونه کاروي، د انټرنیټ څخه سمه استفاده وکړي او په خپلو منځونو کې د ورورګلوۍ ژوند وکړي.
ښاغلي حقاني زیاته کړه: محصلین باید د تک راتګ پر مهال له بایومتریک وسایل څخه په قانوني توګه استفاده وکړي، خپل د لیلیې کارتونه خوندي کړي او تر څنګ یې خپل هغه شکایتونه چې دوی یې لري اړوندو مسولسینو ته ورسوي.
د غونډې په پای کې محصلینو خپل نظریات، وړاندیزونه او ستونزې شریکې کړې، چې مسؤلینو یادې ستونزې او وړاندیزونه یاداشت کړل او ژمنه وکړه، چې د حل لپاره به لازم اقدامات ترسره کوي.
غونډه د دعايې په ویلو سره پای ته ورسیده.
