د کابل پولي تخنیک پوهنتون د محصلینو ترمنځ د پنځه ډوله ورزشي سیالۍ ترسره شوې.
د کابل پولي تخنیک پوهنتون د پنځه ډوله سیالیو دوهم پړاو د همدې پوهنتون د ورزشکارانو ترمنځ ترسره شو.
د دې سياليو د مراسمو په پيل کې د ورزشي چارو آمر ښاغلي استاد فايق اميري د دې سياليو په اړه ګډونوالو ته بشپړ معلومات وړاندې کړل.
ورپسې د کابل پولي تخنیک پوهنتون عمومي رئیس ښاغلی پوهنوال دیپلوم انجنیر عبدالرشید اقبال ورزش د محصلینو د ذهن د ارمش لپاره اړین ګام وبلی او محصلین یې د ورزش تر څنګ مطالعې ته هم وهڅول.
نوموړي له ورزشکارانو سره د پوهنتون د مشرتابه هر اړخیز ملاتړ او همکارۍ ژمنه وکړه.
همدا راز د دغه پوهنتون علمي مرستیال ښاغلي روح الله روحاني، مالی او اداري مرستیال ښاغلي انجنیر سید مصباح الدین هاشمي د یادو سیالیو له ترسره کولو څخه ستاینه وکړه او ورزشکارانو ته یې د بریا هیله وکړه.
