د کابل پولیتخنیک پوهنتون د ترانسپورټي ودانیو انجینري پوهنځي د " اوسپینې پټلۍ انجنیري" او "لویو لارو او ټرانسپورټ انجنیري څانګې" 63 تنو محصلینو د خپلو دیپلوم پروژو څخه دفاع وکړه.
دفاع غونډه د قرآن کریم د څو مبارکو آیاتونو په تلاوت سره پیل شوه.
په یاده غونډه کې د کابل پولي تخنیک پوهنتون رهبري هیئت، استادان، د سکتوري ادارو استازو، محصلینو او میلمنو ګډون درلود.
د پوهنتونونو د تعلیمي اصولو مطابق، د تحصیلي سند ترلاسه کول او فراغت یوه مهمه مرحله د تحقیقي پروژو دفاع کول دي، چې په وروستۍ کال کې ترسره کېږي، دا پروژې د محصلینو د وروستۍ ارزیابي برخه ګڼل کېږي او په مختلفو علمي برخو کې علمي او عملي تحقیق شامل دي.
له دې امله، د کابل پولي تخنیک پوهنتون د ترانسپورټي ودانیو انجینري پوهنځي د " اوسپینې پټلۍ انجنیري" او "لویو لارو او ټرانسپورټ انجنیري څانګې" محصلینو د خپلو دیپلوم پروژو څخه دفاع وکړه.
د یادو ډیپارټمنټونو څخه، په مجموع کې (63) تنه محصلین د ټاکل شوي هیئت لخوا د ارزیابي او تایید وروسته د فارغالتحصیلانو په توګه وپیژندل شول او د لیسانس سندونه ورکول شول.
د یادو څانګو څخه د محصلینو فراغت ډیر مهم دی، او په هیواد کې د ټرانسپورټي سیسټمونو او لویو لارو جوړولو په برخه کې په اقتصادي او ټولنیز پرمختګ کې بنسټیز رول لري.
د کابل پولی تخنیک پوهنتون رهبري هیئت د دې پوهنتون له مختلفو پوهنځیو څخه د محصلینو فراغت لویه لاسته راوړنه ګڼې او تر څنګ یې ورته د لا بریالیتوب هیله څرګندوي
