د لوړو زده کړو وزارت د کیفیت لوړونې او ارزونې هئیت له کابل پولي تخنیک په څخه لیدنه وکړه
د یادې لیدنې غونډه د قرانکریم د مبارکو آیاتونو په تلاوت سره پیل شوه.
لومړی د کابل پولي تخنیک پوهنتون عمومي رئیس پوهنوال دیپلوم انجنیر عبدالرشید اقبال د لوړو زده کړو وزارت څخه راغلي پلاوي ته د ښه راغلاست وینا وکړه او تر څنګ یې د کابل پولي تخنیک پوهنتون په اړه یې خپل معلومات وړاندې کړل.
ښاغلي اقبال اړوند ټولو مسؤلینو ته لارښوونه وکړه ، چې د یاد پلاوي سره د بررسي په برخه کې هر راز همکاري وکړي.
ورپسې د لوړو زده کړو وزارت د کیفیت د تضمین کمېټې غړي مفتي نذیر احمد احمدي په خپلو خبرو کې په پوهنتونونو او په ځانګړي ډول په کابل پولي تخنیک پوهنتون کې د کیفیت د تضمین د ارزونې او ارزښت په اړه خبرې وکړې او د اړوندو څانګو د مسؤلینو څخه یې د هر اړخیزې همکارۍ غوښتنه وکړه .
د غونډه په دوام کې د کیفیت د تضمین او ارزونې کمېټې غړو د ارزونې او بیا کتنې مهال ویش له ګډونوالو سره شریک او په اړه یې خپل پیشنهادات او نظریات څرګند کړل.
د يادونې وړ ده، چې یادې ارزونې درې ورځې دوام وکړ، چې په ترڅ کې یې د علمی چارو معاونیت، مالي او اداري معاونیت، د تحقیقاتو او مجلې معاونیت، د محصلانو چارو معاونیت او اته ګونې پوهنځي بررسي او و ارزولې.
