په کابل پولي تخنیک پوهنتون کې محصلینو ته ځغاست لوبی په اړه سیمینار جوړ شو
سیمینار د قرآنکریم د مبارکو آیاتونو په تلاوت سره پیل شو.
په دې سیمینار کې د لوړو زده کړو وزارت د انسجام او محصلانو د خدمتونو ریاست پلاوي، د مرکزي زون پوهنتونونو استازو، محصلینو ورزشکارانو او میلمنو ګډون کړی و.
لومړی د کابل پولي تخنیک پوهنتون د ورزشي چارو آمر ښاغلي احمد فایق ضیايي ټولو ګډونوالو ته د ښه راغلاست وینا ترڅنګ د یاد سیمینار د منځپانګې په اړه هر اړخیز معلومات وړاندې کړل.
ورپسې د همدې پوهنتون د ورزشې چارو د آمریت استاد ښاغلي عبدالمعروف ستاري د ځغاست لوبي او د هغوی د مقرراتو او قوانینو په اړه خپل چمتو کړی پرزینټېشن په تفصیل سره تشریح او وړاندې کړ.
د یادونې وړ ده، چې د مرکزي زون د پوهنتونونو ترمنځ د ۱۰۰ مترو او ۲۰۰ مترو په فاصله د ځغاستې سیالۍ به د کابل پولي تخنیک پوهنتون په کوربه توب د لوړو زده کړو وزارت د محصلانو د خدمتونو او انسجام ریاست په همکارۍ ترسره شي.
سیمینار د دعایې په ویلو سره پای ته ورسید.
