په کابل پولي تخنیک پوهنتون کې محصلینو ته د نیت او اهمیت یې تر سرلیک لاندې سیمینار وړاندې شو.
سیمینار د قران کریم د څومبارکو آیاتونو په تلاوت سره پیل شو.
لومړی د کابل پولي تخنیک پوهنتون د محصلانو د خدمتونواو همغږۍ آمر سید عین الله هاشمي ټولو ته ښه راغلاست وویل او د دې سیمینار اهداف او محتوا په اړه پراخه معلومات وړاندې کړل.
ورپسي د کابل پولي تخنیک پوهنتون استاد پوهنوال محب الله میداني، خپل پرزینټیشن وړاندې کړ چې په هغې کې یې د نیت او اهمیت په اړه په تفصیل خبري وکړي.
نوموړي نیت نه یوازې په علمي بریاوو کې بلکه د ژوند په ټولو برخو کې مهم رول لري او تل باید د پاک او صحیح نیت سره خپلو اهدافو ته رسیدل وشي.
ښاغلي میداني په پای کې محصلینو ته په خپل شخصي او تحصیلي ژوند کې د نیت اهمیت یادونه وکړه او وویل چې باید خپل اهداف د پاک او اخلاص نیت سره تعقیب کړو تر څو د نیت ګټې ترلاسه کړو.
د یادونې وړ ده چې دا سیمینار د کابل پولي تخنیک پوهنتون د محصلانو چارو معاونیت او د محصلانو د خدمتونو او همغږي آمریت په همکاری جوړ شوی وه.
سیمینار د محصلانو د پوښتنو د ځوابونو او د دعا په تلاوت سره پای ته ورسېد.
