په کابل پولي تخنیک پوهنتون کې د مونوګراف، تېزس او علمي راپور لیکنې په اړه سیمینار جوړ شو

سیمینار د قرانکریم د مبارکو آیاتونو په تلاوت سره پیل شو.
دغه سیمینار چې د کابل پولي تخنیک پوهنتون استادانو ته د مونوګراف لیکلو، مقالو لیکلواو علمي راپورونو په لیکلو کې د لارښوونې په موخه جوړ شوی و په کې د پوهنتون مشرتابه، د پوهنځيو رئيسانو او استادانو ګډون درلود.
لومړی د کابل پولي تخنیک پوهنتون علمي مرستیال ښاغلي پوهنوال دیپلوم انجنیر عبدالرشید اقبال ټولو ګډونوالو ته د ښه راغلاست وینا ترڅنګ د دې سیمینار جوړول د مونوګرافونو، مقالو او علمي راپورونو د لیکلو لپاره مهم او ارزښتناک ګام یاد کړ.
همدا راز د لوړو زده کړو وزارت د څیړنې، تالیف او ژباړې ریاست لخوا چمتو شوې فارمت د تفصیلي پریزنټیشن په ترڅ کې ارایه شو، چې تر څنګ یې د استادانو نظرونه او وړاندیزونه هم په کې شامل وو.
سیمینار د وړاندیزونو، نظریاتو په وړاندې کولو او د دعایې په ویلو سره پای ته ورسید.