په کابل پولي تخنیک پوهنتون کې د مرکز خصوصي پوهنتونونو د استادانو لپاره دیني_علمي درې ورځنی سمینار پیل شو. 4-6/8/1444---6-8/12/1401

غونډه د قرآنکریم د څو مبارکو ایتونو په تلاوت سره پیل شوه.

لومړی د کابل پولي تخنیک پوهنتون علمي معاون ښاغلي  انجنیر روح الله روحاني استادانو ته ښه راغلاست وویل او د  دریمې ورځې د اجنډا په اړه یې مفصل معلومات له ګدونوالو سره شریک کړل.

ورپسې ښاغلي شیخ شاکرالله وحدت خپله موضوع چې د مسلمانانو د امیر حقوق او وجایب وه د سیمینار له ګدونوالو سره شریکه کړه.

ښاغلي وحدت د خپلو خبرو په ترڅ کې د امیر مسئولیتونه، د رهبرۍ ثبات په مسلمانانو باندي د امیر اطاعت، د امیر له خوا د دین ساتنه او تطبیق، عدالت، په امیر د خلکو حقوق او هوساینې په اړه مفصل توضیحات وړاندې کړل.

نوموړي خپله موضوع د نظرونو په تبادله او مطرح شویو پوښتنو ته په ځواب ویلو سره پای ته ورسوله.

همدارنګه ښاغلي شیخ عبدالرحمن اخندزاده خپله موضوع د جهاد پر حقیقت او اهمیت راپيل کړه او نوموړی د جهاد پر فرضیت بشپړ خبري وکړې 

نوموړي د اسلامي امت لپاره جهاد ډیر مهم وبللی او دايې د خپلواکې مصونیت ، حقانیت، او کامیابی راز یاد کړ.

ښاغلي شیخ عبدالرحمن اخندزاده د دا دول سیمینارونو په دایرولو خوښي څرګنده کړه او له استادانو یې مننه وکړه چې داسي پروګرامونه تعقیبوي.

دسیمینار وروستۍ برخه د سوالونو په جوابولو او مناقشې سره پای ته ورسیده .