په کابل پولي تخنیک پوهنتون کې د تضمین کیفیت او اعتبار ورکولو لپاره د علمي پروګرامونو او چوکات جوړوني روزنیز سیمینار پای ته ورسید
دغه سیمینار چي د لوړو زده کړو وزارت د کیفیت د تضمین او اعتبار ورکولو ریاست له خوا د کابل پولي تخنیک پوهنتون په همکارۍ د یاد پوهنتون، کاردان خصوصي پوهنتون، خاتم النبیین خصوصي پوهنتون او کاتب خصوصي پوهنتون د رهبریو، استادانو او اداري کارمندانو لپاره جوړ شوی و، څلور ورځې يې دوام وکړ او نن ورځ پای ته ورسید.
په یاد سیمینار کې د کیفیت د تضمین سند د ساتلو، د یولس ګونو معیارونو د تطبیق او د تضمین کیفیت سند د ساتلو لپآره د اسنادو چمتو کولو په برخه کې دریو استادانو ښاغلي پوهنمل امین احمد زی، ښاغلي پوهنمل قدرت الله ځواک او ښاغلي تسنیم کاویان خپل پرزنټیشنونه وړاندې کړل.
دیادونې وړ ده چې د سیمینار په وروستۍ ورځ کې د پوهنتونونو رئیسانو، معاونینو، د پوهنځيو رئیسانو ، استادانو، اداري کارمندانو او تدریسي مدیرانو ګډون درلود چې په بشپړ بریالیتوب پای ته ورسید.
