په کابل پولي تخنیک پوهنتون کې د اتو کد کورسونو فارغانو ته د ستاینلیکونو د ویش مراسم ترسره شول.
مراسم د قرانکریم د مبارکو آیاتونو په تلاوت سره پیل شول.
لومړی د کابل پولي تخنیک پوهنتون د محصلانو چارو مرستیال ښاغلي انجنیر ویس الدین بریالي په دغو کورسونو کې د محصلینو له ګډون څخه ستاینه او مننه وکړه.
نوموړي د یادو کورسونو پر ارزښت خبرې وکړې او زیاته یې کړه، چې د ژوند په ټولو برخو کې د خلکو او هېوادوالو د خدمت لامل کېږي هر اړخیزې خبرې وکړې او محصلینو ته یې د داسې نورو کورسونو دپیلولو ډاډ ورکړ.
د غونډې پّ دوام کې یو تن فارغ شوي محصل د کابل پولي تخنیک پوهنتون د محصلینو له مرستیال څخه د داسې ښوونیزو پروګرامونو د برابرولو له امله مننه وکړه.
د يادونې وړ ده، چې له يادو کورسونو څخه چې د دغه پوهنتون د محصلانو د خدمتونو او انسجام آمریت په همکارۍ پيل شوي وو، چې ٩٠ تنو محصلين فارغ شول.
غونډه محصلینو ته د ستاینلیکونو په ویشلو او دعایې په ویلو سره پای ته ورسیدل.
