د کابل پولي تخنیک پوهنتون کریکټ لوبډلې افغان تلیکام سلام کریکټ لوبډلې ته په دوستانه لوبه کې ماتې ورکړه
د کابل پولی تخنیک پوهنتون کریکټ لوبډلې او افغان تلیکام سلام کریکټ لوبډلې تر مینځ سیالي د کابل پولي تخنیک پوهنتون کریکټ لوبډلې په بریا پای ته ورسېده.
په پیل کې د افغان تلیکام سلام کریکټ لوبډلې د لوبې پچه وګټله او د توپوهنې پرېکړه یې وکړه، چې په ټاکل شویو شل اورونو کې یې ۲۰۷ منډې هدف وټاکه، د کابل پولې تخنیک پوهنتون کریکټ لوبډلې د بهترینه پیل او بریدیزې توپوهنې پر مټ وکولای شول چې د لوبې اتلسم اوور کې یاد هدف د ۶ ویکټو د سوځېدو په بدل کې پوره او بریا تر لاسه کړي.
د یادونې وړ ده، چې د کابل پولي تخنیک پوهنتون کریکټ لوبډلې لپاره د توپ وهنې په برخه کې محمد قاسم صافي ۸۰ منډې او رحمن الله عبدالرحمیزي ۷۵ منډې ترسره کړې.
همدارنګه په توپ اچونه کې محمد نذیر درې، فصیح الله دوه او سیف الرحمن دوه ویکټې ترلاسه کړې.
