د کابل پولي تخنیک پوهنتون مشرتابه د دغه پوهنتون د محصلینو د ډیپلومونو د دفاع له بهیر څخه لیدنه وکړه.
د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال، مالي او اداري مرستیال ښاغلي انجنیرسید مصباح الدین هاشمي او ورسره پلاوي د جیولوجي او کانونو پوهنځي د نفتو او ګازو او کانونو استخراج د ډیپارټمنټ او د جیوماتیک او کدستر پوهنځي د جیودیزي انجنیري ډیپارټمنټ د محصلینو د ډیپلوم دفاع څخه لیدنه وکړه.
ښاغلي اقبال د محصلینو چمتو شوې پروژې مثبتې و ارزولې او هغوی ته یې د فراغت مبارکي ورکړه.
نوموړي محصلینوته یادونه وکړه ترڅو لاهم په خپلو علمي او مسلکي برخه کې خپلو زده کړو ته دوام ورکړي.
