د کابل پولي تخنیک پوهنتون محصلینو لپاره د "وخت مدیریت" تر سر لیک لاندې سیمینار ترسره.
سیمینار د قرآن کریم د څومبارکو آیتونو په تلاوت سره پیل شو.
له یاد سیمینارڅخه یې هدف د کابل پولي تخنیک پوهنتون محصلانو ته د وخت مدیریت د اصولو او طریقو سره آشنایي ورکول و،چې په کې د پوهنتون محصلانو ګډون درلود .
د کابل پولي تخنیک پوهنتون کلینیکي روانشناس، ښاغلي داکتر ذبیح الله قاضي زاده د وخت مدیریت په اړه خپل بشپړ پریزینټیشن وړاندې کړ.
هغه په خپلو خبرو کې، د وخت مفهوم، د ورځني ژوند او تحصیل کې د وخت اهمیت، او همدارنګه يې د وخت د مدیریت په اړه مختلفې طریقې تشریح کړې چې څنګه کولی شو د وخت ښه مدیریت وکړو.
د یادونې وړ ده چې دغه سیمینار د کابل پولي تخنیک پوهنتون د محصلانو چارو معاونت او د محصلانو د خدمتونو او همغږۍ آمریت تر څارنې لاندې ترسره شو. چې هدف یې د محصلانو د وخت د ښه استفادې په اړه پوهه زیاتول او د تحصیل په موده کې د وخت ښه مدیریت لپاره لارې چارې وړاندې کول و.
