د کابل پولي تخنیک پوهنتون علمي شورا غونډه ترسره شوه.
یاده غونډه چې د کابل پولي تخنیک پوهنتون د علمي مرستیال په مشرۍ ترسره شوه، پکې د پوهنځیو رئیسانو او د علمي شورا غړو ګډون کړی و.
په سر کې د علمي چارو مرستیال پوهنوال دیپلوم انجنیر عبدالرشید اقبال د ټولو ګډونوالو حضور ته هرکلی ووایه. نوموړي د تحصیلي نصاب د ارزونې او بیاکتنې پر اهمیت ټینګار وکړ او څرګِنده یې کړه چې د پوهنتون تحصیلي پلان د کیفیت د ښه والي په برخه کې هڅې وشي څو ټول درسي واحدونه د همدې پلان له مخې پر مخ لاړ شي، او په دې توګه د تدریس کیفیت لا لوړ شي.
ورپسې، د علمي شورا غړو د بېلابېلو موضوعاتو لکه علمي ترفیعاتو، تقرر او انفکاک، د ۱۴۰۴ هـ.ش کال د پسرلني سمسټر د پیل لپاره چمتووالي او د پوهنتون نورو مهمو موضوعاتو په اړه بحثونه او نظریات تبادله کړل.
د غونډې په وروستۍ برخه کې، د علمي شورا غړو خپلې طرحې او وړاندیزونه د علمي او اکادمیکو بهیرونو د ښه والي لپاره مطرح کړل. دغه وړاندیزونه د تدریس او علمي څېړنو د کیفیت د لوړولو لپاره وڅېړل شول، او په اړینو مواردو کې لازم تصمیمونه ونیول شول.
غونډه د دعا په ویلو سره پای ته ورسېده.
