د کابل پولي تخنیک پوهنتون د ۱۴۰۳ او ۱۴۰۴ ه ش تحصیلي کال ۱۲۰۰ تنه فارغ محصلین د کاري زده کړو او کاري فرصتونو د تر لاسه کولو په موخه اطلاعتو او کلتور وزارت ته معرفي کړل
د کابل پولي تخنیک پوهنتون او دولتي ادارو ترمنځ د بنسټیزو همکاریو د پیاوړتیا او د اکاډمیکو زده کړو او د کار بازار اړتیاوو ترمنځ د اغېزمن تړاو د رامنځته کولو په موخه، د ۱۴۰۳ او ۱۴۰۴ ه ش تحصیلي کلونو شاوخوا ۱۲۰۰ تنه فارغالتحصیل محصلان د کاري زده کړو او کاري فرصتونو د تر لاسه لپاره د اطلاعاتو او فرهنګ وزارت د ځوانانو چارو معینیت ته ور وپېژندل شول.
ټاکل شوې ده چې یاد فارغ التحصیلان د کاري زده دکړو په پروګرامونو کې د ګډون له لارې عملي تجربې ترلاسه کړي او خپلې مسلکي وړتیاوې او تخصصي مهارتونه لا پیاوړي کړي.
د کابل پولي تخنیک پوهنتون رهبري ټینګار کوي چې د داسې فرصتونو برابرول د متخصص بشري ځواک د پیاوړتیا، د ځوانانو د علمي ظرفیتونو د اغېزمنې استفادې او د هېواد د پراختیا او بیا رغونې په بهیر کې د هغوی د ونډې د زیاتوالي لپاره مهم ارزښت لري. یاد پوهنتون تل هڅه کړې چې له دولتي او سکتوري بنسټونو سره د همکاریو د پراخولو له لارې د فارغالتحصیلانو ملاتړ او د کاري فرصتونو ته د هغوی لاسرسی اسانه کړي.
