د کابل پولي تخنیک پوهنتون د فرهنګي کمېټې نوبتي غونډه تر سره شوه
غونډه د قرآنکریم د مبارکو آیاتونو په تلاوت سره پیل شوه.
یاده غونډه د پوهنتون د اصلي فرهنګي کمېټې او د پوهنځیو د فرعي کمېټو د فعالیتونو او کارونوو د انسجام او همغږۍ په موخه جوړه شوې وه.
لومړی د کابل پولي تخنیک پوهنتون د نشراتو آمر او د پوهنتون د فرهنګي کمېټې مرستیال ښاغلي ارسلا مفتون د پیلیزې او ښه راغلاست وینا تر څنګ د آجنډا پر موضوعاتو هر اړخیزې خبرې وکړې.
نوموړي د یادې کمېټې کاري پلان اړین یاد کړ او د کمېټې له غړو یې وغوښتل چې په تطبیق کې یې هر اړخیزه همکاری وکړي.
همدارنګه د آجنډا مطابق د فرعي فرهنګي کمیټو فعالیتونه څارل او تنظیمول، د اصلي فرهنګي کمیټې کاري پلان له فرعي کمېټو سره شریکول، د اصلي فرهنګي کمې ټې غړي فرعي کمېټو ته د استازي په توګه معرفي کول د بحث عمده موضوعات ؤ، چې په اړه یې بحث او نظرونه تبادله شول او ترڅنګ یې لازم تصمیمونه ونیول شول غونډه د دعایې په ویلو سره پای ته ورسیده.
