د کابل پولي تخنیک پوهنتون د ساختماني پوهنځي د صنعتي او مدني ودانیو څانګې شپنۍ دورې ۱۱۵ تنو محصلینو له خپلو دیپلوم پروژو دفاع وکړه.
په دې مناسبت جوړو پیلېزو مراسمو کې د کابل پولي تخنیک پوهنتون رهبري هیئت، استادان، د سکتوري ادارو استازي، محصلینو او میلمنو حضور درلود.
د دیپلوم پروژو دفاع په لیسانس دوره کې د محصلینو لپاره یو مهم ګام دی، ترڅو خپل علمي او عملي وړتیاوې په یو مسلکي چوکاټ کې وښيي او سند ترلاسه کړي.
له دې امله، د کابل پولي تخنیک پوهنتون ساختماني پوهنځي صنعتي او مدني ودانیو څانګې شپنۍ دورې محصلینو خپلې دیپلوم پروژې په بریالیتوب سره دفاع کړې
په دې برخه کې د مسلکي او تخصصي انجنیرانو د روزنه او د هغوی فراغت لاسته راوړنه ده.
د یادې پوهنځی څخه فارغ مسلکې انجنیران به د خپلو علمي او عملي مهارتونو په وسیله وکولای شي ترڅو په ساختماني او عمراني پروژو کې مؤثره توګه فعالیت وکړي او د خپلې ټولنې او هېواد په پرمختګ کې رغنده برخه واخلي.
د یادونې وړ ده چې د صنعتي او مدني ودانیو څانګې شپنۍ دورې څخه ۱۱۵ تنو محصلین د ژورې هیئت له ارزیابي او تایید وروسته د لیسانس په کچه بریالي اعلان او ټولنې ته د خدمت په موخه وړاندې شول.
د کابل پولي تخنیک پوهنتون رهبري د دې پوهنتون له مختلفو پوهنځیو څخه د محصلینو فراغت لویه لاسته راوړنه ګڼې او تر څنګ یې ټولو فارغینو ته د مبارکي مراتب وړاندې کوي.
