د کابل پولي تخنیک پوهنتون د اسلامي ثقافت استادانو او د پوهنتون د انځورګرۍ دلي محصلینو ته د ستاینې غونډه جوړه شوه.
غونډه د قرآنکریم د مبارکو آیاتونو په تلاوت سره پیل شوه.
لومړی د کابل پولي تخنیک پوهنتون عمومي رئیس ښاغلي دیپلوم انجنیر عبدالرشید اقبال ټولوته د ښه راغلاست ترڅنګ د اسلامي ثقافت د څانګې له استادانو څخه، چې د درسي ساعتونو له زياتوالي سره سره يې په نه ستړي کېدونکي ډول خپلې دندې تر سره کړي مننه و ګړه.
همدارنګه ښاغلي اقبال د انځورګرۍ د ګروپ له هغو محصلینو هم ځانګړې مننه و کړه چي د درسې بهیر څخه یې ویډویې راپورونه جوړ کړي او نشر ته سپارلي دي.
ورپسې مالي او اداري معاون ښاغلي انجنیرسید مصباح الدین هاشمي له ټولو استادانو په ځانګړې توګه د اسلامي ثقافت له استادانو چې د دغه پوهنتون د محصلینو د معنوي زده کړو په برخه کې یې هڅې کړې مننه وکړه.
همدا راز د اسلامي ثقافت څانګې د استادانو په استازيتوب ښاغلي پوهندوی عبدالحليم حکيمي د پوهنتون له مشرتابه هيئت څخه مننه وکړه او په دې برخه کې يې د لازیات خدمت کولو ژمنه وکړه.
د غونډي په پاي کې د پوهنتون د رهبرۍ له خوا د اسلامي ثقافت د څانګې استادانو او د پوهنتون د انځورګرۍ ګروپ محصلینو ته ستاینلیکونه ورکړل شول.
غونډه د دعایې په ویلو سره پای ته ورسیده.
