د کابل پولي تخنیک پوهنتون د استادانو د چارو آمر معرفي شو
په دې غونډه کې د کابل پولي تخنیک پوهنتون مشرتابه او استادانو ګډون درلود.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د استادانو د چارو آمر ښاغلي پوهنیار محمد شریف ستانکزي د معرفي کولو په مراسمو کې د استادانو د تدریسي او اداري چارې د ښه تطبیق او د نیمګړتیاوو په له منځه وړلو ټینګار وکړ.
ښاغلي اقبال په اداره کې بدلون یو اصل وګڼل، دوی له نوي آمر وغوښتل چې په ورسپارل شویو چارو کې په امانتدارۍ او صادقانه توګه خدمت ترسره کړي او نوموړي ته یې د بریالیتوب هیله وکړه.
ورپسې ښاغلي پوهنیار محمد شریف ستانکزي د کابل پولي تخنیک پوهنتون له مشرتابه څخه مننه وکړه چې په نوموړي یې باور کړی او په دې بست کې یې ګمارلی او ژمنه یې وکړه چې خپله ورسپارل شوې دنده به په پوره صداقت اوامانتداري ترسره کوي.
