د کابل پولي تخنیک پوهنتون خدماتي کارکوونکو ته جامې، بوټونه او کوټونه ووېشل شول.
د کابل پوهنتون پولي تخنیک پوهنتون خدماتي کارکوونکو لپاره د البسو د وېش مراسمو کې د مالي او اداري چارو مرستیال مولوي محمد یاسین حقاني، د پوهنځیو رئیسانو، د اداري برخو آمرینو او د پوهنتون ګڼ شمېر کارکوونکو ګډون کړی و.
په پیل کې مولوي محمد یاسین حقاني ګډونوالو ته ښه راغلاست ووایه، د پوهنتون د کارکوونکو د نه ستړې کېدونکو هڅو قدرداني یې وکړه او د هغوی خدمتونه یې وستایل.
نوموړي وویل، کارکوونکو او منسوبینو ته مادي او معنوي امتیازات ورکول د هغوی د خدمتونو د ارزښت یو څرګند ثبوت دی.
نوموړي زیاته کړه، هر څوک چې په اخلاص او صداقت خپلې دندې ته دوام ورکړي، د امتیازاتو مستحق دی، چې پکې د بست لوړوالی، ستاینلیک او نور مادي او معنوي امتیازات به ورکول کیږي.
دغه مراسم د البسو د وېش څخه وروسته د دعایې په ویلو سره پای ته ورسېدل.
