د کابل پولي تخنیک پوهنتون استادانو ته د ادبي غلا د مخنیوي په برخه کې د ترنیټین سافټویر په اړه دوه ورځنی سیمینار ترسره شو.
د علمي او څېړنيزو ظرفیتونو د لوړولو په موخه، د کابل پولي تخنیک پوهنتون د څیړنو او علمي مجلېمعاونیت د ادبي غلا د مخنیوي په برخه کې یو دوه ورځنی تعلیمي ورکشاپ د "ترنټین" سافټویر د علمي او مؤثر استعمال په اړه د دغه پوهنتون استادانو ته وړاندې کړ.
دغه سیمینار چې شاوخوا ۸۰ تنه د علمي کادر غړي یې برخهوال وو، د پوهندوی ډوکتور عبدالحلیم زریاب، د پوهنتون د علمي تحقیقاتو آمر، د خپل تیار شوي پریزنټیشن له لارې د "ترنتين" سافټویر د مهمو کارونو لکه د متنونو د ورتهوالی پېژندنه، د علمي سرقت د شاخصونو تحلیل، د څېړنیزو اخلاقو رعایت او د علمي لیکنې د شفافیت لوړولو په اړه دقیق او عملي معلومات وړاندې کړل.
ګډونوال د دې ورکشاپ په ترڅ کې عملي توګه د راجستر کېدو، د مقالو پورته کولو، د راپور ترلاسه کولو او تحلیل، د علمي امانتدارۍ له اصولو څخه د سرغړونو پېژندلو او د متنونو د اصلاح او بیاکتنې له پروسې سره آشنا شول.
استادانو او ګډونوالو د ورکشاپ د ګټورې او مؤثرې منځپانګې د ارزښت یادونه وکړه او غوښتنه یې وکړه چې دا ډول پروګرامونه دې د دوی د څېړنیزو مهارتونو د ودې په موخه دوام ومومي.
په پای کې د څېړنو او علمي مجلې مرستیال ډوکتور وثیقالله عربزاده د استادانو له فعال حضور څخه مننه وکړه او د پوهنتون د علمي موخو په تحقق کې یې د دوی پر کلیدي رول ټینګار وکړ. نوموړي د "ترنټین سافټویر" په څېر وسایلو مؤثر استعمال د څېړنو د کیفیت لوړولو او د علمي اخلاقو د رعایت لپاره اړین وباله.
نوموړي وویل کابل پولي تخنیک پوهنتون ژمن دی چې د خپل علمي کادر غړو د علمي او مسلکي ودې لپاره لازم شرایط برابر کړي او هغوی ته به په علمي او څېړنیزو برخو کې هر اړخیز ملاتړ برابر کړي.
یادونه باید وشي چې دا سیمینار د کابل پولي تخنیک پوهنتون د څیړنو او علمي مجلې معاونیت له لوري تنظیم شوی و او دوه ورځې یې دوام وکړ.
