د " فزیک ۱ " تر سرلیک لاندې درسي کتاب د چاپ په ګاڼه سمبال شو
د کابل پولي تخنیک پوهنتون د الکترومیخانیک پوهنځي د فزیک څانګې استاد پوهاند محمد داود احمدزي له خوا لیکل شوی درسي کتاب د چاپ په ګاڼه سمبال شو.
دغه کتاب په ۱۱ فصلونو او ۳۴۰ مخونو کې لیکل شوی او د فزیک په برخه کې د محصلینو د علمي کچې د لوړولو او د یوې معیاري درسي سرچینې د برابرولو په موخه وړاندې شوی دی.
د دې اثر محتوا د فزیک بنسټیز او اساسي موضوعات په علمي او تدریسي بڼه وړاندې کوي، چې د دې څانګې د محصلینو د نظري او عملي پوهې په پیاوړتیا کې اغېزناک رول لوبولی شي.
د "فزیک ۱" کتاب د لوړې علمي او تخنیکي کچې په رعایت سره د کابل پولي تخنیک پوهنتون د نشراتو او عامه اړیکو آمریت په مطبعه کې چاپ شوی دی.
یاد کتاب د پوهنتون په عمومي کتابخانه کې ځای پر ځای او د محصلینو او نورو علاقه مندانو د استفادې لپاره چمتو شوی دی.
