د شکایتونو د اوریدو کمېټې غونډه د کابل پولي تخنیک پوهنتون د مالي او اداري معاونیت په دفتر کې جوړه شوه او کمېټې د شکایتونو صندوقونه پرانیستل
غونډه د قرآنکریم د مبارکو آیاتو په تلاوت سره پیل شوه.
د شکایتونو د اوریدو د کمېټې غونډه مالي او اداري مرستیال ښاغلي مولوي محمد یاسین حقاني په مشرۍ جوړه شوه.
لومړی د ترانسپورټي ودانیو د پوهنځي رئیس او د یادې کمېټې غړي ښاغلي پوهاند محمد نذیرنجابي د کمېټې د تیرو فعالیتونو او د ترسره شویو تصمیمونو په اړه معلومات وړاندې کړل.
همدا راز د شکایتونو صندوقونه د کابل پولي تخنیک پوهنتون د مالي او اداري مرستیال ښاغلي مولوي محمد یاسین حقاني تر څارنې لاندې د کمیټې له خوا پرانیستل شول، راټول شوي شکایتونه د مسؤلینو لخوا وڅیړل شول او تصمیم ونیول شو تر څو د ستونزو د حل او نورو اجراأتو په موخه تر مسؤلینو و رسیږي.
د يادونې وړ ده، چې نوموړي صندوقونه يو ځل بيا د ذکر شوې کمېټې له خوا وتړل شول.
