د " د ودانیو اکوسټیک فزیک" تر عنوان لاندې درسي کتاب د چاپ چارې بشپړ شوې.
د " د ودانیو اکوستیک فزیک" په نوم درسي کتاب، چې د کابل پولیتخنیک پوه+نتون د ساختماني پوهنځي استاد پوهاند راز محمد عزیزی لخوا لیکل شوی، د ودانیو د جوړونې په برخه کې یو ارزښتمن تحصیلي سرچینه ګڼل کېږي. یاد کتاب په ۶ فصلونو او ۳۲۶ مخونو کې لیکل شوی دی.
دا کتاب د ودانیو د انجنیري چارو او د ودانیو د غږ انعکاس اړوند ځانګړتیاوو په برخه کې د محصلینو علمي سطحې لوړولو لپاره لیکل شوی او په خورا لوړ کیفیت د لوړو زده کړو وزارت د نشراتو ریاست مطبعه کې د کابل پولیتخنیک پوهنتون د نشراتو آمریت په همغږۍ چاپ شوی.
کتاب د دې هدف لپاره لیکل شوی تر څو محصلین د ودانیو د ډیزاین، جوړونې، څارنې او د غږ انعکاس اړوند ځانګړتیاوو په برخه کې بنسټیز مفاهیم او اصول په ښه توګه زده کړي او استادان ورڅخه محصلینو ته د تدریس په برخه کې ورڅخه استفاده وکړي.
همدارنګه دا کتاب د محصلینو د تخنیکي او عملي مهارتونه لوړولو په برخه کې یوه غوره سرچینه بلل کیږي.
یاد کتاب د کابل پولي تخنیک پوهنتون عامه کتابتون ته د محصلینو او نورو علاقهمندانو د استفادې لپاره وسپارل شو.
