دکابل پولی تخنیک پوهنتون عمومی رئیس ښاغلي پوهنوال ډیپلوم انجنیر عبدالرشید اقبال په افغانستان کې د (GIZ) د پروژې مسئول ښاغلي کای استیگر (kai-Steger) سره لیدنه
ښاغلي پوهنوال ډیپلوم انجنیر عبدالرشید اقبال په افغانستان کې د (GIZ) د پروژې مسئول ښاغلي کای استیگر (kai-Steger) او دهغه له ملګرو سره ولیدل او هغوی ته یې ښه راغلاست وویل .
په دې لیدنه کې لمړئ دکابل پولی تخنیک پوهنتون عمومی رئیس دې پسرلني او مني درسي سمسترونو په موده کې دکرونا ویروس د تنظیم د څرنګوالي او چمتو والي ،دلیسانس اوماسترۍ په برخه کې کاری فعالیتونه ،دماسترۍ په برخه کې له داخلي او خارجي معتبرو علمي نهادونو سره د هوکړه لیکونو امضاء کولو، له آسترالیا پوهنتون سره د ماستری په برخه کې د اوبو دسرچینو جامع مدیریت هوکړه لیک امضاء کولو،علمي ګډو برنامو،دجیولوجۍ اومعادنو په برخه کې، د تدریس او علمي برخه کې دآنلاین برنامو، لابراتوارونو،او همدا رنګه کریکولم په برخه کې لنډه وینا وکړه.
وروسته د (GIZ ) د پروژې مسئول ښاغلي کای استیگر (kai-Steger) په افغانستان کې د(GIZ ) دبرنامو په اړه وینا وکړه او دکابل پولی تخنیک پوهنتون سره یې د زده کړې او الکترونکی وسایلو تجهیزولو په برخه کې چمتو والۍ وښوده .
او په پای کې دکابل پولی تخنیک پوهنتون عمومی رئیس ښاغلي پوهنوال ډیپلوم انجنیر عبدالرشید اقبال د انستالیشن (Installation) ،کالیبریشن ،دلابراتوارونو دجوړولو اوتجهیزولو په برخه کې چې مخکې دنوموړي نهاد له خوا دکابل پولی تخنیک پوهنتون سره مرسته شوې وه ټینګار وکړ .
