دکابل پولی تخنیک پوهنتون او البیروني پوهنتون ترمنځ دهمکارۍ هوکړه لیک امضاء شو .
کابل پولي تخنیک پوهنتون عمومی رئیس ښاغلي پوهنوال دیپلوم انجنیر عبدالرشید اقبال او د البیروني پوهنتون رئیس ښاغلي پوهنمل ډاکټر عبدالقهار سروري د دواړو پوهنتونو ترمنځ د همکارۍ هوکړه لیک دکب دمیاشتی په یوولسمه نیټه امضاء کړه .
لمړی د کابل پولي تخنیک پوهنتون عمومی رئیس ښاغلي پوهنوال دیپلوم انجنیرعبدالرشید اقبال د البیروني پوهنتون رئیس او ملګري پلاوي ته یې ښه راغلاست وویل او د کابل پولي تخنیک پوهنتون د تاریخچې، تجهیزاتو، لابراتوارونو، درسي نصاب او لاسته راوړنو په اړه یې راغلو میلمنو ته لنډ مالومات ورکړل.
وروسته د البیروني پوهنتون رئیس ښاغلي پوهنمل ډاکټر عبدالقهار سروري دکابل پولي تخنیک پوهنتون عمومی رئیس له میلمه پالنې څخه مننه وکړه او زپاته یې کړه چې دافغانستان خلک په افغانستان کې د کابل پولي تخنیک پوهنتون په څیر پوهنتون باندې ویاړي ځکه دا پو هنتون د تخنیکي او انجنیري علومو د مور پوهنتون په توګه یو پیژندل شوي پو هنتون دی .
د نوموړي هوکړه لیک د امضاء کولو موخه د دواړو پوهنتونونو ترمنځ د تخنیکي ، علمي ، تحقیقي او نورو تجاربو شریکول دي . په پای کې دواړو خواوو هوکړه لیک امضاء کړه او د عملې کېدو ژمنه یې وکړه
