د " انجینرۍ لنډه پېژندنه " تر سرلیک لاندې درسي کتاب د چاپ په ګاڼه سمبال شو
د انجینرۍ لنډه پېژندنه د کابل پولي تخنیک پوهنتون د ساختمانی پوهنځي د مهندسی څانګې استاد پوهنمل فضل الرحمن اخلاص له خوا ژباړل شوی درسي کتاب د چاپ په ګاڼه سمبال شو.
دغه کتاب په ۷ فصلونو او ۱۹۲ مخونو کې ژباړل شوی او د انجینرۍ په برخه کې د یوه مناسب درسي ماخذ د برابرولو په موخه ژباړل شوی دی. د دې اثر محتوا د انجینرۍ بنسټیز او اساسي مفاهیم، د ټولنې په پرمختګ کې د انجینرۍ اهمیت او رول، ساختمان او رغونه، زیربناوې او د انجینرۍ د بېلابېلو څانګو لنډه پېژندنه په علمي او ښوونیزه توګه وړاندې کوي او کولی شي د محصلینو د نظري او عملي پوهې په پیاوړتیا کې اغېزمن رول ولوبوي.
د انجینرۍ لنډه پېژندنه کتاب د لوړې علمي او تخنیکي کچې په رعایت سره د کابل پولي تخنیک پوهنتون د نشراتو او عامه اړیکو آمریت په مطبعه کې چاپ شوی دی.
یاد کتاب د پوهنتون په عمومي کتابخانه کې ځای پر ځای او د محصلینو او نورو علاقه مندانو د استفادې لپاره چمتو شوی دی.
