ښاغلی انجنیر سید جلال احساس د کابل پولي تخنیک پوهنتون د معلوماتي ټکنالوجۍ دآمرپه توګه معرفي شو.
غونډه د قرانکریم د مبارکو آیاتونو په تلاوت سره پیل شوه.
په لومړي سر کې د کابل پولي تخنیک پوهنتون عمومی رئیس ښاغلي پوهنوال دیپلوم انجنیر عبدالرشید اقبال عزل او تقرر د یوې ادارې اصل او اساس وباله او دا یې د اداري پرمختګ یو راز یاد کړ.
نوموړي د نوي امر انجنیر سید جلال احساس تاګنه د دې آمریت لپاره یو غوره ګام وباله او له نوموړي سره یې د هر راز همکاري ژمنه وکړه.
ورپسې د دغه پوهنتون د مالي او اداري مرستیال ښاغلي انجنیر سید مصباح الدین هاشمي خبرې وکړې او د دغه پوهنتون د معلوماتي ټکنالوژۍ څانګې له فعالیتونو او خدمتونو څخه مننه و کړه او د دغې آمریت نوي آمرته یې د بریالیتوب هیله وکړه.
همدارنګه ښاغلي انجنیر سید جلال احساس د لوړو زده کړو وزارت د رهبرۍ او د کابل پولی تخنیک پوهنتون له مشر تابه څخه مننه وکړه چې په نوموړي یې باور کړی او یاد مسولیت یې ورته سپارلی نوموړي ژمنه وکړه چې، ورسپارل شوې دنده به په پوره صداقت سره پر مخ وړي.
