د کابل پولي تخنیک پوهنتون د ساختماني پوهنځي د صنعتي او مدني ودانیو څانګې د ماسټرۍ پروګرام اتمه دفاعیه غونډه تر سره شوه.
غونډه د قران کریم د مبارکو آیاتونو په تلاوت سره پیل شوه.
یاده غونډه کې د کابل پولي تخنیک پوهنتون لپاره د لوړو زده کړو وزارت ځانګړي استازي مالي او اداري مرستیال ښاغلي انجنیر زیارمل خطاب، د لوړو زده کړو وزارت د محصلانو چارو مرستیال ښاغلي انجنیر سید اسماعیل روحاني، د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال، د کابل پولي تخنیک پوهنتون علمی مرستیال ښاغلي پوهنوال دیپلوم انجنیرمحمد نسیم نسیمي، د پوهنځیو رئیسانو، استادانو او محصلانو ګدون درلود.
لومړی د کابل پولي تخنیک پوهنتون لپاره د لوړو زده کړو وزارت ځانګړي استازي مالي او اداري مرستیال ښاغلي انجنیر زیارمل خطاب د لوړو زده کړو وزارت هئیت او ورسره پلاوي ته د ښه لاغلاست ترڅنګ د ساختماني پوهنځي د صنعتي او مدني ودانیو د ماسټرۍ پروګرام اتمه فراغت دوره یې مبارکې وویل او د هغوی فراغت او د تخصص څخه ګټه اخیستنه د هیواد په پرمختګ کې آغیزمنه او ګټوره وبلل شوه او هیله یې وکړه چې فارغ شوي انجنیران په خپل تخصص کې هیواد ته خدمت وکړي.
ورپسې د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال د لوړو زده کړو وزارت محترم پلاوي او حاضرینو ته ښه راغلاست ووایه. او د ماسټرۍ تر کچې پورې د دغه پوهنتون د علمي پروګرامونو او د ټولنې د اړتیا وړ علمي برخو د رامنځته کولو او پراختیا په اړه یې خبرې وکړې. او د پورتني برخه څخه فارغان د خپل وطن خدمت ته وهڅول شول.
همدارنګه د لوړو زده کړو وزارت د محصلانو چارو مرستیال ښاغلي انجنیر سید اسماعیل روحاني له يادې شوې څانګې څخه فارغ محصلينو ته د فراغت مبارکي وویل او له دولتي تعلیمي موسسو سره د خصوصي تعلیمي موسسو د کیفیت او ظرفیت د توپیر په تړاو، د ماسټرۍ او دوکتورا د ګډ پروګرام د جوړولو په موخه د نړۍ له هېوادونو سره د اړیکو د ټینګښت په برخه کې د لوړو زده کړو وزارت د رهبري پلاوي هڅې په اړه خبرې وکړې او د دا ډول پروګرامونو په جوړولو په کابل پولي تخنیک پوهنتون کې د همکاري او ملاتړ ژمنه وکړه.
همدار زار د دغه پوهنتون د ساختماني پوهنځي د صنعتي او مدنی ودانیو څانګې د اتم دوريې د فراغت پروګرام محصلینو د چمتو شوي سلایډ له لارې له خپلو چمتو شویو تیزیسونه څخه دفاع وکړل.
