په کابل پولي تخنیک پوهنتون کې د میوه لرونکو او غیر میوه لرونکو ونو د کینولو لړۍ پیل شوه.
د همدې پوهنتون د نیالګیو کینولو پروګرام کې د کابل پولي تخنیک پوهنتون لپاره د لوړو زده کړو وزارت ځانګړي استازي مالي او اداري مرستیال ښاغلي انجنیر زیارمل خطاب، آمرینو، کارمندانو او کارکونکو ګدون درلود.
دغه پروګرام د همدغه پوهنتون د رهبري هئیت او د ساتنې او مراقبت آمریت په هلو ځلو پیل شو.
په دغه پروګرام کې ۱۲۰ میوه لرونکي د مڼې او زردالو نیالګي چې د ننګرهار ولایت د ځوان ټولنیز بنسټ په مرسته د پوهنتون د ښکلا او شینوالي لپاره چمتو شوي وو د همدې پوهنتون د 6-5-4 د لیلیې په ساحه کې کيښودل شول.
د يادونې وړ ده، چې د کابل پولي تخنيک پوهنتون يو شمیر غير ميوه لرونکې نيالګي د دغه پوهنتون په بیلابیلو برخو کې کیښودل او دا لړۍ به دوام ولري.
