په کابل پولي تخنیک پوهنتون کی د GIS د ظرفیت لوړولو ورکشاپ
په کابل پولي تخنیک پوهنتون کي د اتو پوهنځیو د استادانو لپاره د GIS د ظرفیت لوړولو ورکشاپ د جیوماتیک او کادستر پوهنځي د جغرافیایی معلوماتي سیستم د څانګې له خوا د کابل پولي تخنیک پوهنتون د علمی معاونیت د مسلکي ودې څانګې په همکارۍ جوړ شوه .
مراسم د قرآنکریم مبارکو آیتونو په تلاوت سره پیل شول.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د ورکشاپ له جوړیدو مننه وکړه او دغه ورکشاپ یې په تخنیکي او تخصصي برخو کې د دغه پوهنتون د استادانو د ظرفیتونو د لوړولو په برخه کې ګټور او ارزښتناک وباله.
ورپسې د جیوماتیک او کدستر پوهنځي رئیس ښاغلي پوهاند محمد انور سراج د ورکشاپ د پروګرام د محتوا او موادو په اړه معلومات وړاندې کړل او د دغه ورکشاپ تنظیمول یې اړین او مهم وګڼل.
په دی مراسمو کې د کابل پولي تخنيک پوهنتون علمي مرستیال ښاغلي پوهنوال دیپلوم انجنیر محمد نسيم نسيمي، د پوهنځيو رئيسانو او استادانو ګډون کړی و، په دغه ورکشاپ کې له هر پوهنځي څخه دوه دوه استادانو ګډون کړی وو چې يوه اوونۍ به دوام وکړي.
