په کابل پولي تخنیک پوهنتون کې د کابل ولایت ښوونځیو ۱۴۰۴ لمریز کال عمومي کانکور ازموینه واخیستل شوه.
د ازموینې د پرانیستې مراسمو کې د کابل پولي تخنیک پوهنتون رهبری هیئت، د ازموینو ملي ادارې مسؤلینو، استادانو او مېلمانو ګډون درلود.
په پیل کې د کابل پولي تخنیک پوهنتون د محصلانو چارو مرستیال حافظ انجنیر عنایت الله رحیمي ګډونوالو او مېلمنو ته ښه راغلاست وویل او ډاډ یې ورکړ چې د پوهنتون ټیم، استادان او کارمندان د یوې منظمې او شفافې ازموینې د ترسره کولو لپاره بشپړه چمتووالی لري. نوموړي دغه بهیر یو ستر ملي او علمي مسئولیت یاد کړ او ټولو داوطلبانو ته یې د بریا هیله وکړه.
ورپسې د آزموینو ملي ادارې د کمیټې غړي پوهنمل دوستمحمد فیضي د وینا پر مهال د ازموینې د اجرایي مراحلو او اصولو په اړه معلومات وړاندې کړل او له ټولو استادانو او مسؤلینو یې وغوښتل چې د نظم مراعت، د موبایل او الکترونیکي وسایلو د نه استعمال او د بېطرفۍ په ساتنه کې بشپړ همکارې وکړي، ترڅو د ازموینې شفافیت تضمین شي.
ښاغلي فیضي ډاډ ورکړ چې د نتیجو ارزونه به په دقیق، عادلانه او شفاف ډول وشي او داوطلبان دي بشپړ اطمیناني اوسي
کانکور ازموینه په رسمي توګه د پوښتنلیکونو د صندوق د پرانیستلو او د دعایې د قرائت په ویلو سره پیل شوه.
د کابل پولي تخنيک پوهنتون رهبري، د ازموینو ملي ادارې مسؤلینو او اړوند کمېټې د ازموينې له صحنې څخه لیدنه وکړه او د ازموينې د شفافيت ډاډ يې ورکړ.
د یادونې وړ ده چې دغه ازموینه د کابل ولایت د بېلابېلو ښوونځیو شاوخوا ۲۰۰۰۰ داوطلبانو په ګډون د روان کال د سرطان په ۱۲مه (پنجشنبه) او ۱۳مه (جمعه) نېټه په منظم او منسجم ډول ترسره او واخیستل شوه.
