په کابل پولي تخنیک پوهنتون کې د افغانستان د طبي شورا د فعالیت جواز ترلاسه کولو ازموینه واخیستل شوه

د افغانستان طبي شورا د فعالیت جواز په معالجوي او ستوماتولوژي څانګو کې د جذب ازموینه د ازموینو ملي ادارې له خوا د لوړو زده کړو وزارت په همکارۍ په کابل پولي تخنیک پوهنتون کې واخیستل شوه.
په دې ازموينه کې ټولټال ٤٥۷۰ تنو ګډون کړى و، چې په اړونده څانګو کې د فعالیت جواز ترلاسه کړي، ياده ازموينه د دغه پوهنتون د مشرتابه پلاوي، استادانو او اداري کارکوونکو په همکارۍ په هر اړخيزه او شفافه توګه په خوندي فضا کې ترسره شوه.
د يادونې وړ ده، چې د کابل پولي تخنيک پوهنتون د ازموينو د چمتووالي، په پروسه کې د روڼتيا او د ازموينې په برخه کې د خوندي چاپېريال د رامنځته کولو په برخه کې د ازموينو ملي ادارې سره هر اړخيزه همکاري لري.